• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአዲስ አበባ ውሃና ፍሳሽ ባለሥልጣን በኤሌክትሪክ መቆራረጥ ሰበብ የውሃ ምርታችን የቀነሰ ነው አለ

የአዲስ አበባ ውሃና ፍሳሽ ባለሥልጣን በኤሌክትሪክ መቆራረጥ ሰበብ የውሃ ምርታችን የቀነሰ ነው አለ፡፡የኢትዮጵያ ኤሌክትሪክ አገልግሎት በበኩሉ መስመሮቻችን ያረጁ ስለሆነ በቻይና የኤሌክትሪክ ኩባንያ በአዲስ በመተካት ላይ ነን ሲል ተናግሯል፡፡

ከውሃና ፍሳሽ ባለሥልጣን የውሃ ማምረት ማሰራጨት ሲስተም ቁጥጥር ንዑስ የሥራ ሂደት ባለቤቱ አቶ ታደሰ ዘገየ እንደተናገሩት የኤሌክትሪክ አገልግሎቱ በአቃቂ ሁለትና ሦስት ሀ እና ለ የውሃ መገኛ ክፍል በየቀኑ ለረጅም ሰዓት እየተቋረጠ የአዲስ አበባ የውሃ ምርት በከፍተኛ ሁኔታ እየተጐዳ ነው ብለዋል፡፡

በመብራቱ ችግር የውሃ ተጠቃሚዎች ከሁለትና ሦስት ቀን በላይ ውሃ እየተቸገረ ነው ያለው ውሃና ፍሳሽ ይህ የአቃቂው መስመር 210 ሺ ሜትር ኪዩብ ውሃ የሚያመርተው ነው እሱም ሲቋረጥ ጦር ሃይሎች፣ ቤተል፣ አለም ባንክ፣ አየር ጤና፣ ሰባተኛ፣ ሜክሲኮ፣ ሳር ቤት፣ ቄራ፣ ጐፋ፣ ሳሪስ፣ ስታዲየም፣ ካዛንቺስ አካባቢዎች በሙሉ ውሃ እያጡ ነው ተብሏል፡፡

በኢትዮጵያ ኤሌክትሪክ አገልግሎት የመንግሥት መሥሪያ ቤቶች የኤሌክትሪክ አቅርቦት ሥራ ኃላፊው አቶ ኢሣያስ አማረን ስለ ችግሩ ጠይቀናቸው በእርግጥ መቆራረጡ እያጋጠመ ነው፤ ይህም የኤሌክትሪክ መስመሮቻችን ያረጁ በመሆናቸው ንፋስና ዝናብ እየበጣጠሳቸው የተፈጠረ እክል ነው፤ አሁን በቻይና የኤሌክትሪክ ኩባንያ በኩል የኮንክሪት ምሰሶዎችን እየተካን ነው ለሥራውም 168 ሚሊዮን ብር ወጪ አድርገናል፤ ከስድስት ወር በኋላ የኤሌክትሪክ መቆራረጡ ችግር 90 በመቶ ይቀንሳል ሲሉ ተናግረዋል፡፡

ወንድሙ ኃይሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers