• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በተለያዩ ግንባታዎች ላይ የነበሩ 116 ሥራ ተቋራጮች የሥራ ውላቸውን አቋርጫለሁ ሲል የአዲስ አበባ ከተማ አስተዳደር የኮንስትራክሽን ቢሮ ተናገረ

በተለያዩ ግንባታዎች ላይ የነበሩ 116 ሥራ ተቋራጮች የሥራ ውላቸውን አቋርጫለሁ ሲል የአዲስ አበባ ከተማ አስተዳደር የኮንስትራክሽን ቢሮ ተናገረ፡፡የቢሮው ኃላፊ የሆኑት አቶ ዮናስ አያሌው እንዳሉት ከሆነ ከነዚህ ውስጥም በህግ የሚጠየቁም ይኖራሉ፡፡በአዲስ አበባ እስከ 900 ገደማ የሚደርሱ የመንግሥት ግንባታዎች እየተገነቡ ነው ያሉት አቶ ዮናስ በእነዚህ ግንባታዎች ላይ ከተማሰሩ ሥራ ተቋራጮች የአፈፃፀም ችግር ያለባቸውን ማስጠንቀቂያ በመስጠትና የአቅም ድጋፍ ለማድረግም ሞክረናል ብለዋል፡፡

ይሁን እንጂ ከአምና ጀምሮ የተለያዩ ድጋፍ ተደርጎላቸውም ሥራቸውን ማከናወን ያልቻሉ 116 ተቋራጮች ውላቸው ተቋርጧል ብለዋል፡፡የተለያዩ የቅድመ ክፍያዎችንም ይዘው የጠፉ እንዳሉም የተናገሩት አቶ ዮናስ እነዚህንም በህግ ተጠያቂ እናደርጋቸዋለን ብለዋል፡፡አንዳንዶቹም እስከ 90 በመቶ ግንባታቸውን አድርሰው መጨረስ ያልቻሉም እንዳሉ ሰምተናል፡፡

በአዲስ አበባ የተለያዩ ግንባታዎች መጓተት ይታይባቸዋል ያሉት አቶ ዮናስ ለእነዚህ ግን ተጠያቂዎቹ ሥራ ተቋራጮች ብቻ ሳይሆኑ አሰሪዎችም ናቸው ይላሉ፡፡በርግጥም የኮንስትራክሽን ግንባታ ውስብስብ ነው ያሉት ኃላፊው በተለይም በህንፃ ግንባታ የሚያስፈልጉ አንዳንድ ቁሣቁሶች ከውጪ የሚመጡና የውጭ ምንዛሬ እጥረት ፈተና የሚሆኑባቸው እንደሚሆኑም ነግረውናል፡፡

ዮሐንስ የኋላወርቅ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers