• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ምርት ገበያ አዲስ የቡና ግብይት ሥርዓት ጀመረ

የኢትዮጵያ ምርት ገበያ አዲስ የቡና ግብይት ሥርዓት ጀመረ፡፡አዲሱ ስርዓት የቡና ምርት ወደ መጋዘን ሳይገባ በጥብቅ በተከለለ ማቆያ በመኪና ላይ እንዳለ መሸጥ የሚያስችል ነው፡፡ግብይቱ የሚካሄደው የምርቱንና የምርቱን ባለቤት ማንነት ባስጠበቀ መልኩ እንደሆነ ምርት ገበያው ዛሬ ጋዜጣዊ መግለጫ ሲሰጥ ተገኝተን ሰምተናል፡፡

አዲሱ ስርዓት ያለአገናኝ አባል በቀጥታ መገበያየት ለሚፈልጉ ግለሰቦች፣ የህብረት ሥራ ማህበራትና የንግድ ድርጅቶችም የግብይት መድረክ አዘጋጅቷል ተብሏል፡፡ግብይቱን ማካሄድ የሚፈልጉ ግለሰቦች፣ የህብረት ሥራ ማህበራትና የንግድ ድርጅቶች አስፈላጊ መመዘኛዎችን እንዲያሟሉ በማድረግ በቀጥታ እንደሚሣተፉ ተነግሯል፡፡የግብይት ሥርዓቱ ከሐምሌ 1 ቀን 2009 ዓ.ም አንስቶ ሥራ ላይ እንደዋለም ሰምተናል፡፡

የኢትዮጵያ ምርት ገበያ አዲሱን የግብይት ሥርዓት ተግባራዊ ለማድረግ መጠነ ሰፊ ዝግጅት ሲያደርግ እንደቆየ ዋና ሥራ አስፈፃሚው አቶ ኤርሚያስ እሸቱ ተናግረዋል፡፡የመኪና ላይ ግብይትን ለማካሄድ እንዲረዳ ስለአዲሱ የግብይት ሥርዓት ለሚመለከታቸው ሥልጠና ሰጥተናልም ብለዋል፡፡

አዲሱን የግብይት ሥርዓት ውጤታማነት ለማረጋገጥ የህግ ማሻሻያዎች መደረጋቸውም ተነግሯል፡፡የኢትዮጵያ ምርት ገበያ ማቋቋሚያ አዋጅ ማሻሻያ ተደርጎበት በህዝብ ተወካዮች ምክር ቤት እንደፀደቀም አቶ ኤርሚያስ አስታውሰዋል፡፡ከኢትዮጵያ ምርት ገበያ ተለይቶ እራሱን ችሎ ተቋቁሞ የነበረው የኢትዮጵያ የግብርና ምርቶች የመጋዝን አገልግሎት ድርጅት ተመልሶ ከኢትዮጵያ ምርት ገበያ ጋር እንዲዋሃድ የአደረጃጀት ማሻሻያዎች ተደርገዋልም ብለዋል፡፡

አዲሱ የግብይት ሥርዓት የቡና የወጪ ንግድን ለማሳደግ ከፍ ያለ አስተዋፅኦ ይኖረዋል ተብሏል፡፡

ንጋቱ ረጋሣ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers