• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ኢትዮጵያ የእምቅ አቅሟን ያህል ከአትክልት፣ ፍራፍሬና ሥራ ስር ሰብሎች እየተጠቀመች አይደለም ተባለ

ኢትዮጵያ የእምቅ አቅሟን ያህል ከአትክልት፣ ፍራፍሬና ሥራ ስር ሰብሎች እየተጠቀመች አይደለም ተባለ፡፡ወሬውን ብሔራዊ የሆርቲ ካልቸር ልማትና ግብይት ስትራቴጂ ዛሬ በካፒታል ሆቴል ይፋ ሲልሆን ተገኝተን ሰምተናል፡፡

በእርሻና ተፈጥሮ ሃብት ሚኒስቴር የግብርና ኤክስቴንሺን ዳይሬክተር ጄኔራል አቶ ወንዳለህ ሀብታሙ እንዳሉት በሀገራችን የአትክልት፣ ፍራፍሬና ሥራ ሥር ሰብሎች በ4 ሚሊየን ሄክታር መሬት ላይ ይለማሉ፡፡ከዚህ መሬት ከ6 ሚሊዮን ቶን በላይ ምርት ይገኛል ተብሎ እንደሚገመትም ተናግረዋል፡፡

በ2008 ዓ.ም ከ163 ሺ 230 ቶን በላይ ምርት ወደ ውጭ ተልኮ ከ49 ሚሊዮን ዶላር ብዙም ያልበለጠ የውጭ ምንዛሬ መገኘቱንም አስታውሰዋል፡፡ይህም ኢትዮጵያ ካሏት እምቅ አቅም አኳያ በተፈለገው መልኩ ተጠቃሚ እንዳልሆነች ያሣያል ብለዋል፡፡ምርታማነትን በከፍተኛ ደረጃ ሊያሳድጉ የሚችሉ ቴክኖሎጂዎችና አሰራሮች አለመኖርም ለዚህ እንደ አንድ ምክንያት ጠቅሰዋል፡፡

ያሉትን ቴክኖሎጂዎች ለአርሶ አደሮች የማስተዋወቅ አሰራርም ደካማ መሆን ሌላው ነው ብለዋል፡፡ከፍተኛ መጠን ያለው ምርት በኋላ ቀር የድህረ-ምርት አያያዝ ምክንያት መባከንም እንዲሁ በምክንያትነት ቀርቧል፡፡ዛሬ ይፋ የሆነው ስትራቴጂ ለቀጣዮቹ 10 ዓመታት የሚያገለግል እንደሆነ ሲነገር ሰምተናል፡፡

ንጋቱ ረጋሣ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers