• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የአዲስ አበባ የግል ትምህርት ቤቶች በፈለግነው መጠን ለተማሪዎቻችን መፅሐፍ ማግኘት አልቻልንም አሉ

የአዲስ አበባ የግል ትምህርት ቤቶች በፈለግነው መጠን ለተማሪዎቻችን መፅሐፍ ማግኘት አልቻልንም አሉ፡፡የአዲስ አበባ ትምህርት ቢሮ በበኩሉ ያሉኝን መፅሐፍት እያከፋፈልኩ ነው፤ እጥረቱን የሚሸፍኑ ከ222 ሺ በላይ መፅሐፎችም ሕትመት ላይ ናቸው ችግሩም በፍጥነት መላ ያገኛል ብሏል፡፡

ተዘዋውረን የጠየቅናቸው የግል ትምህርት ቤቶች ከ2 እስከ 6ኛ ክፍል የአማርኛ መማሪያ መፅሐፍ የለም ተብለናል ያሉ አጋጥመውናል፡፡የሂሣብና የባይሎጂ፣ የኢንፎርሜሽን ኮሙኒኬሽን ቴክኖሎጂ መማሪያ መፅሐፍ እጥረት ያለባቸው ስለመኖራቸውም ተመልክተናል፡፡የመማር ማስተማር ሂደቱ ከተጀመረ ሁለተኛ ሣምንቱን ይዟል፡፡ በሺዎች የሚቆጠሩ የግል ትምህርት ቤት ተማሪዎችም እስካሁን ያለ መፅሐፍ ትምህርታቸውን ለመማር ተገደዋል ይላሉ የግል ትምህርት ቤቶቹ፡፡

ስለ ጉዳዩ የጠየቅነው የአዲስ አበባ ትምህርት ቢሮ በበኩሉ ችግሩ መኖሩን ያወቅነው ባለፈው ሰኔ ወር የግል ትምህርት ቤቶች የሚያስፈልጋቸውን መፅሐፍት ቁጥር ባቀረቡልኝ ጊዜ ነበር ብሏል፡፡ችግሩን በፍጥነት ለመፍታትም 222 ሺ 237 መፅሐፎችን እያሣተመ መሆኑን ለሸገር ተናግሯል፡፡

አሁን እጥረት አላቸው ከተባሉና ከሚታተሙ መፅሐፍት መካከል 132 ሺ 474 የ3ኛ እና የ4ኛ ክፍል የአማርኛ መማሪያ መፅሐፍ 40 ሺ 63፣ የ2ኛ ክፍል የሂሣብ መማሪያ መፅሐፍ 23 ሺ 630፣ የ7ኛ ክፍል የባይሎጂ መፅሐፍና የ11ኛ እና 12ኛ ክፍል 26 ሺ 70 የአይ.ሲቲ መማሪያ መፅሐፍት ይገኙበታል ተብሏል፡፡ለችግሩ በፍጥነት መላ ለመፈለግ እየጣረ መሆኑን ትምህርት ቢሮ ነግሮናል፡፡

በቢሮው የኮሙኒኬሽን ኃላፊውን አቶ አበበ ቸርነትን ህትመት ላይ ያሉ መፅሐፍት መቼ ወደ ተማሪዎች ይደርሣሉ ብለን ጠይቀናቸው ነበር፤ ቁርጥ ያለውን ቀን መናገር ባንችልም እንዲፈጥን የቻልነውን ሁሉ እያደረግን ነው ጎን ለጎንም ስህተት እንዳይኖር የህትመቱን ጥራትም እየተከታተልን ነው ሲሉ መልስ ሰጥተውናል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers