• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በድርቅ ለተጎዱ ዜጎች አስቸኳይ እርዳታ የሚሆን ስንዴ ለመሸመት መንግሥት አለም አቀፍ ጨረታ አውጥቷል

በድርቅ ለተጎዱ ዜጎች አስቸኳይ እርዳታ የሚሆን ስንዴ ለመሸመት መንግሥት አለም አቀፍ ጨረታ አውጥቷል፡፡ለስንዴ ሸመታ ጥያቄ ያቀረበው ብሔራዊ የአደጋ ስጋት ሥራ አመራር ኮሚሽን ሲሆን 400 ሺ ሜትሪክ ቶን ስንዴ እንደሚያስፈልግ ለመንግሥት ግዥና ንብረት ማስወገድ አገልግሎት በደብዳቤ አሳውቋል፡፡

እለት ደራሽ እርዳታው ይቀርብላቸዋል የተባሉት ባለፈው አመት ተከስቶ ከነበረው ድርቅ ያላገገሙ፣ በደቡብና ደቡብ ምሥራቅ ኢትዮጵያ በተከሰተው አዲስ የድርቅ አደጋ ለተጎዱና የበልግ ዝናብ ባለመስተካከሉ እጃቸውን ለእርዳታ የዘረጉ 8 ነጥብ 5 ሚሊዮን ዜጎች ይገኙበታል ተብሏል፡፡

ስንዴውን ለመሸመት መንግሥት አለም አቀፍ ጨረታ ማውጣቱንም ሰምተናል፡፡በአገልግሎቱ ምክትል የህዝብ ግንኙነት ኃላፊው አቶ አሰፋ ሰለሞን ለሸገር እንደተናገሩት ከዚህ ቀደም የተከሰተውን ድርቅ ለመቋቋም መንግሥት በ11 ነጥብ 3 ቢሊየን ብር ወጭ 1 ነጥብ 8 ሚልዮን ሜትሪክ ቶን ስንዴ ከአለም ገበያ ሸምቶ ለዜጎቹ እርዳታ አቅርቧል፡፡

የአለም ባንክ ባደረገው የ2 ነጥብ 5 ቢሊየን ብር እርዳታም 410 ሺ ሜትሪክ ቶን ስንዴ ተገዝቶ መከፋፈሉን አቶ አሰፋ አስታውሰዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Leza Vote Banner
Sheger 102.1 AudioNow Numbers