• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የህዝብ እንደራሴዎች ምክር ቤት ህዝብና መንግሥት በሚፈልገው ደረጃ የቁጥጥርና ክትትል ሥራዬን ለመከወን....

የህዝብ እንደራሴዎች ምክር ቤት ህዝብና መንግሥት በሚፈልገው ደረጃ የቁጥጥርና ክትትል ሥራዬን ለመከወን ያስችለኛል ያለውን የአሰራርና የአባላት ሥነ-ምግባር ደንቡን አሻሽሎ አቅርቧል፡፡በተሻሻለው ደንብ መሠረት የተለያዩ የመንግሥት መሥሪያ ቤቶችና የልማት ድርጅቶችን የሚከታተሉ ቋሚ ኮሚቴዎቹን ከ18 ወደ 20 አሳድጓል፡፡

ሁለት አዳዲስ ቋሚ ኮሚቴዎችን ከመጨመር በተጨማሪም አንዳንድ ቋሚ  ኮሚቴዎችን አሸጋሽጓል፡፡የመንግሥት አጠቃላይ ገቢና ቀረጥን የሚቆጣጠር ራሱን የቻለ የገቢዎችና ጉምሩክ ጉዳይ ቋሚ ኮሚቴም ተቋቁሟል፡፡ሁለተኛው አዲስ ቋሚ ኮሚቴ የዴሞክራሲና ሰብዓዊ መብት አስተዳደር ጉዳዮች ቋሚ ኮሚቴ ነው፡፡

ከዚህ ቀደም በከፍተኛ የትምህርት ተቋማት ላይ ብቻ ትኩረት ሰጥቶ ሲሰራ የቆየው የከፍተኛ ትምህርት ተቋማት ጉዳዮች ቋሚ ኮሚቴ ከአጠቃላይ የቴክኒክና ሙያ ትምህርት ጋር ተዳብሎ በትምህርት ጉዳዮች ቋሚ ኮሚቴ ሥር እንዲሆን በአዲሱ ደንብ ተደንግጓል፡፡

የህዝብ እንደራሴዎች ምክር ቤት ዛሬ ባካሄደው 3ኛ የሥራ ዘመን አንደኛ መደበኛ ስብሰባ የተሻሻለውን የምክር ቤቱን የአሰራርና የአባላት ሥነ-ምግባር ደንብ ከማፅደቁ በተጨማሪ የተለያዩ አሥር ስምምነቶችን ለዝርዝር እይታ ለቋሚ ኮሚቴዎች መርቷል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers