• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በቅርቡ የተደረገውን የውጭ ምንዛሬ ተመን ማሻሻያ ሰበብ በማድረግ በሸቀጦችና አገልግሎቶች ላይ ጭማሪ እንዳይኖር...

በቅርቡ የተደረገውን የውጭ ምንዛሬ ተመን ማሻሻያ ሰበብ በማድረግ በሸቀጦችና አገልግሎቶች ላይ ጭማሪ እንዳይኖር ከአስመጪዎች ጋር ንግገር ሊደረግ መሆኑ ተሠማ፡፡የተመን ማሻሻያው ከተሰማ በኋላ በተለይ በኤሌክትሮኒክስ ምርቶች ላይ የዋጋ ጭማሪ የሚያደርጉ ነጋዴዎች አሉ የሚሉ ጥቆማዎች መቀበሉን የንግድ ውድድርና የሸማቾች ጥበቃ ባለሥልጣን ለሸገር ተናግሯል፡፡

ባለሥልጣን መሥሪያ ቤቱ የተደረገውን የውጭ ምንዛሬ ተመን ማሻሻያ ምክንያት በማድረግ በሀገር ውስጥ ገብተው በመጋዘን ላይ ያሉና በሀገር ውስጥ ምርቶች ላይ ጭማሪ በሚያደርጉ ነጋዴዎች ላይ በተሰጠው ሥልጣን መሠረት ህጋዊ እርምጃ እወስዳለሁ ማለቱ ይታወሣል፡፡

ከሚመለከታቸው አካላት ጋር እየሰራ መሆኑን ተናግሮ ከሚደርሰው ጥቆማ በተጨማሪ የራሱንም ሠራተኞች ወደ ገበያው በማሰማራት እየተከታተለ መሆኑን አቶ እንዳልካቸው ፅጌ የባለሥልጣን መሥሪያ ቤቱ የኮሙኒኬሽን ኃላፊ ለሸገር ተናግረዋል፡፡እስካሁን በተደረገው ክትትልም በተለይ በኤሌክትሮኒክስ ምርቶች ላይ የዋጋ ጭማሪ ተደርጓል የሚሉ ጥቆማዎች ተገኝተዋል ብለዋል፡፡

የውጭ ምንዛሬ ተመኑን ሰበብ በማድረግ በሸቀጦች ላይ ጭማሪ እንዳይደረግ ከአስመጪዎች ጋር ምክክር ሊደረግ መሆኑ ተሰምቷል፡፡የንግድ ውድድርና የሸማቾች ጥበቃ ባለሥልጣን በገበያው ላይ ያልተገባ የዋጋ ጭማሪ ካጋጠማችሁ በነፃ የስልክ መስመር 8077ና 8478 ደውላችሁ አሳውቁኝ ብሏችኋል፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers