• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ለኢትዮጵያ የውጭ ምንዛሪ በማስገኘት ባለውለታ ሆኖ የቆየው ቡና የሚያስገኘው ገቢ ማሽቆልቀሉ ያሳሰበው መንግሥት ገቢውን ከፍ ለማድረግ የተለያዩ እርምጃዎችን ወስዷል

ለኢትዮጵያ የውጭ ምንዛሪ በማስገኘት ባለውለታ ሆኖ የቆየው ቡና የሚያስገኘው ገቢ ማሽቆልቀሉ ያሳሰበው መንግሥት ገቢውን ከፍ ለማድረግ የተለያዩ እርምጃዎችን ወስዷል፡፡ችግሮቹ ሙሉ በሙሉ መላ ባያገኙም የቡና የግብይት ሥርዓት ለውጥ መደረጉና ላኪዎችም የፈለጉትን አካባቢ ቡና ያለማንም ከልካይ መግዛት መቻላቸው ገቢውን አንዳሻሻለው ንግድ ሚኒስቴር ለሸገር ተናግሯል፡፡

በሩብ ዓመቱ 215 ነጥብ 3 ሚሊዮን ዶላር ተገኝቷል ብሏል ሚኒስቴር መሥሪያ ቤቱ፡፡ ገቢው ከዓምናው ተመሳሳይ ጊዜ ጋር ሲመሣከርም የ34 ነጥብ 5 ሚሊዮን ብር ብልጫ አሳይቷል፡፡የሚላከው ቡና መጠንና በገቢም ከፍ እንዲል ያስችላል የተባለ የቡና ግብይት ማሻሻያ መመሪያ ፀድቆ ከወራት በፊት ሥራ መጀመሩ ለገቢው ማደግ አንዱ ምክንያት መሆኑን የቡና ላኪዎች ማኅበር የህዝብ ግንኙነት ኃላፊ የሆኑት አቶ ጌታቸው አድማሱ ነግረውናል፡፡

የቡናና የወጪ ንግድ የሚከታተል ራሱን የቻለ ባለቤት ያስፈልገዋል ተብሎ ከዓመት በፊት የቡናና ሻይ ባለሥልጣን መቋቋሙ ለገቢው ከፍ ማለት ሌላው ምክያት ነው ብለዋል፡፡ መንግሥት ያደረጋቸው ማሻሻያዎች ድምር ውጤትም ኢትዮጵያ ለዓለም ገበያ ያቀረበችው ቡና በሩብ ዓመቱ በመጠን በ8 ቶን፣ በገቢ ደግሞ በ34 ነጥብ 5 ሚሊዮን ብር ከፍ አድርጐታል ብለዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers