• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በመቶ ሺዎች የሚቆጠሩ የአዲስ አበባ የግል ትምህርት ቤት ተማሪዎች ያለ መፅሐፍ ትምህርታቸውን ለመከታተል ተገደዋል

በመቶ ሺዎች የሚቆጠሩ የአዲስ አበባ የግል ትምህርት ቤት ተማሪዎች ያለ መፅሐፍ ትምህርታቸውን ለመከታተል ተገደዋል፡፡ለአንደኛና ለሦስተኛ ክፍል አንድም የመማሪያ መፅሐፍ የሌላቸው የግል ትምህርት ቤቶችን ተመልክተናል፡፡ሌሎችም ቢሆን የተሟላ መፅሐፍ ያላቸው ጥቂቶች ናቸው፡፡

ከዚህ ቀደም የከተማዋ ትምህርት ቢሮ ከ220 ሺ በላይ መፅሐፎች በአስቸኳይ እንዲደርሱ እያሳተምኩ ነው ብሎ ነግሮን ነግረናችሁ ነበር፡፡ እስካሁን ግን ችግሩ መላ አላገኘም፡፡የመማሪያ መፀሐፎቹን የግል ትምህርት ቤቶች ማግኘት ባይችሉም በተለያዩ መፅሐፍት መደብሮች በውድ ዋጋ ሲቸበቸቡ ዞረን ተመልክተናል፡፡የመማር ማስተማር ሂደቱ ከተጀመረ 40 ቀናት ቢያልፉትም እስካሁን የግል ትምርት ቤቶች ለተማሪዎቻቸው የተሟላ መፅሐፍት ለማቅረብ የተቸገሩት ለምንድን ነው? ስንል በትምህርት ቢሮ የሥርዓተ ትምህርት ክፍል ኃላፊ የሆኑትን አቶ አማኑኤል ኤሬሞን ጠይቀናቸዋል፡፡

ለግል ትምህርት ቤቶችና ለማታ ተማሪዎች የሚሆን የተለያየ የትምህርት ዓይነት የመፅሐፍት እጥረት መኖሩን አምነው ችግሩ የተፈጠረው ካለፈው ሰኔ ወር ጀምሮ መፅሐፎቹን እንዲያትሙ በጨረታ ያሸነፉ ማተሚያ ቤቶች በተፈለገው ጊዜ ሊያደርሱልን ስላልቻሉ ነው የሚል ምላሽ ሰጥተውናል፡፡ሌላ አማራጭ መላ ለማፈላለግና ውሣኔ ለማስተላለፍም የትምህርት ቢሮ የሥራ ኃላፊዎች ተሰብስበው ሊመክሩበት ለነገ ቀጠሮ መያዛቸውንም አቶ አማኑኤል ለሸገር ተናግረዋል፡፡

በትምህርት ቢሮ ትዕዛዝ ብቻ የሚታተመው የመማሪያ መፅሐፍ በግል ትምህርት ቤቶች በሚፈለገው መጠን ባይገኝም ትምህት ቢሮ መፅሐፎቹን ለየግል ትምህርት ቤቶቹ ከሚያከፋፍልበት ዳግማዊ ሚኒልክ ትምህርት ቤት አፍንጫ ሥር ባሉ የመፅሐፍ መደብሮችና በሌሎችም አካባቢዎች በውድ ዋጋ ይቸበቸባሉ፡፡ወላጆችም የ25 ብር መፅሐፍ እስከ 200 ብር ድረስ ከነጋዴ ለመግዛት እየተገደዱ መሆኑን ነግረውናል፡፡

በትምህርት ቢሮ ትዕዛዝ ብቻ የሚታተመውን የመማሪያ መፅሐፍ ነጋዴዎቹ ከየት አመጡት? የጠየቅናቸው ነጋዴዎች ነጋዴው እርስ በርሱ እየተቀባበለ ነው የሚሸጠው የሚል ደምሳሳ መልስ እንጂ ትክክለኛ ምንጩን ሊነግሩን አልደፈሩም፡፡ትምህርት ቢሮም ነጋዴዎቹ መፅሐፍቱን ከየት እንዳመጡት ግን አላውቅም ገና አጣራላሁ ሲልም ለሸገር ተናግሯል፡፡የአማርኛ፣ ሂሣብ፣ ባይሎጂ፣ የኢንፎርሜሽን ኮሙኒኬሽን ቴክኖሎጂና የተቀናጀ ሣይንስ መማሪያ መፅሐፎች በየግል ትምህርት ቤቱ እጥረት ካላቸው መፅሐፎች መካከል ይገኙበታል፡፡

ትዕግሥት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers