• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የተለያየ ጥፋት የተገኘባቸው ስልሳ አንድ አቅራቢዎች በማንኛውም የመንግሥት የግዥ ጨረታ እንዳይሳተፉ ታገዱ

የተለያየ ጥፋት የተገኘባቸው ስልሳ አንድ አቅራቢዎች በማንኛውም የመንግሥት የግዥ ጨረታ እንዳይሳተፉ ታገዱ፡፡ስልሣ አንዱ አቅራቢዎች በማንኛውም የመንግሥት የግዥ ጨረታ እንዳይሳተፉ የታገዱት ባለፉት ሦስት ወራት ነው፡፡

ባለ በጀት መሥሪያ ቤቶች ያቀረቡባቸውን ቅሬታ መነሻ በማድረግ በተካሄደ ማጣራት ዕገዳው ተጥሎባቸዋል ተብሏል፡፡በገቡት ቃል መሠረት ዕቃዎችን በጊዜው አላቀረቡም፣ አንዳንዶቹም ያቀረቡት ዕቃ ጥራቱን ያልጠበቀ ነው ተብሏል፡፡

በተጋነነ ዋጋ በመሸጥ ያልተገባ ጥቅም ለማግኘት የሞከሩ አንዳሉም ሰምተናል፡፡እነዚህና መሰል ጥፋቶችን መፈፀማቸው የተረጋገጡ ስልሳ አንድ አቅራቢዎች በማንኛውም የመንግሥት የግዥ ጨረታ እንዳይሳተፉ መታገዳቸውን የኤጀንሲው የህዝብ ግንኙነትና ኮሙኒኬሽ ማስተባበሪያ ኃላፊ አቶ ሰጠኝ ገላን ለሸገር ተናግረዋል፡፡

ለሦስት አቅራቢዎች ደግሞ ማስጠንቀቂያ ተሰጥቷል ብለዋል፡፡አስር አቅራቢዎች የቀረበባቸው ሪፖርት ተጣርቶ ጥፋተኛ አለመሆናቸው መረጋገጡን ነው የነገሩን፡፡የሌሎች ስልሣ አንድ አቅራቢዎች ጉዳይ እየተጣራ እንደሚገኝም ሰምተናል፡፡

አንድ ቅሬታ ደግሞ በአቅራቢው እና በመሥሪያ ቤቱ ስምምነት ተፈትቷል ተብሏል፡፡ኤጀንሲው በአጠቃላይ በባለ በጀት መሥሪያ ቤቶች በ2010 የመጀመሪያ ሦስት ወራት የቀረቡ እና ከ2009 የዞሩ 235 ቅሬታዎችን አጣርቶ ውሣኔ እንደተሰጠ ሰምተናል፡፡

ንጋቱ ረጋሣ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers