• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሁለተኛ ደረጃ ትምህርት ቤት ተማሪዎች የሚሆን አዲስ የታሪክ መማሪያ መፅሐፍትን ለማውጣት ዝግጅቱን እያጠናቀቀ...

ለሁለተኛ ደረጃ ትምህርት ቤት ተማሪዎች የሚሆን አዲስ የታሪክ መማሪያ መፅሐፍትን ለማውጣት ዝግጅቱን እያጠናቀቀ መሆኑን የትምህርት ሚኒስቴር ተናገረ፡፡ ለ2010 በጀት ዓመት የትምህርት ዘመን ተማሪ የተመደበባቸው አዳዲስ ዩኒቨርስቲዎችም ገና ለመማር ማስተማር ዝግጁ እንዳልሆኑ ሰምተናል፡፡ባለፉት ጥቂት ዓመታት ትምህርት ሚኒስቴር ለታሪክ ትምህርት ራሱን የቻለ ክፍልና ሥርዓተ ትምህርት አልነበረውም፡፡

በአዲስ አበባ ዩኒቨርስቲም የታሪክ ትምህርት ክፍል ከተዘጋ ቆይቷል፡፡አሁን ግን የኢትዮጵያ ህዝቦችን ታሪክ የያዘ አዲስ የታሪክ መፅሐፍ ለ2ኛ ደረጃ ትምህርት ቤት ተማሪዎች እያሰናዳሁ ነው ብሏል ሚኒስቴር መሥሪያ ቤቱ፡፡መፅሐፎቹን ለማዘጋጀትም ከአዲስ አበባ ዩኒቨርስቲ መምህራን ድጋፍ አንደተደረገለት ተናግሯል፡፡
የ9ኛ እና የ10ኛ ክፍል የታሪክ መማሪያ መፀሐፎቹም እየተጠናቀቁ ነው ብለዋል በሚኒስቴር መሥሪያ ቤቱ የእቅድ ዝግጅትና ሐብት ማሰባሰብ ዳይሬክተር የሆኑት አቶ ኤልያስ ግርማ፡፡ከ6 ዓመት በፊት የ2ኛ ደረጃ የታሪክ መማሪያ መፀሐፎች የኢትዮጵያን ብሔር  ብሔረሰቦች ታሪክ የወከለ አይደለም በሚል ማስተማሪያነታቸው እንዲቆም መደረጉ ይታወሣል፡፡

በዚህም ምክንያት የ2ኛ ደረጃ ትምህርት ቤት ተማሪዎች የአፍሪካንና የአለምን ታሪክ ብቻ ሲማሩ እንዲቆዩ ተገደዋል፡፡ ከ2011 ዓ.ም ጀምሮ ግን አሁን በተዘጋጁት አዲስ የኢትዮጵያ ህዝቦች ታሪክ መማሪያ መፀሐፍት ስለ ሀገራቸው ታሪክ ይማራሉ ተብሎ ተስፋ ተደርጓል፡፡

ዛሬ በህዝብ እንደራሴዎች ምክር ቤት የትምህርት ጉዳዮች ቋሚ ኮሚቴ ከትምህርት ሚኒስቴር የሥራ ኃላፊዎች ጋር ሲመክር እንደሰማነው ለ2010 የትምህርት ዘመን ተማሪ የተመደበላቸው አሥራ አንድ አዳዲስ ዩኒቨርስቲዎች ገና ግንባታቸው ተጠናቆ እየተረከበ መሆኑን ሚኒስቴር መሥሪያ ቤቱ ተናግሯል፡፡አዳዲሶቹ ዩኒቨርስቲዎች እያንዳንዳቸው 1 ሺ 500 ተማሪዎች ተመድቦባቸዋል፡፡

ይሁንና የቀብሪዳሀር ዩኒቨርስቲ የኤሌክትሪክ መስመር ዝርጋታ እንዳልተደረገለት ሰምተናል፡፡ ሌሎች ዩኒቨርስቲዎችም ለመማር ማስተማር ሂደቱ አስፈላጊ የሆኑ እንደ ኮምፒዩተር፣ ወንበር፣ ጠረጴዛና መፀሐፍ ያሉ ግብአቶች አልተሟሉላቸውም፡፡ለተማሪዎች የሚያስፈልጉ የመመገቢያ፣ ማብሰያና የመኝታ ቁሶችም ገና ግዢ እየተፈፀመ መሆኑን በትምህርት ሚኒሰቴር የእቅድ ዝግጅትና ሃብት ማሰባሰብ ዳይሬክተሩ አቶ ኤልያስ ተናግረዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers