• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮ ጅቡቲ የባቡር አክሲዮን ማህበር የሃዲድ ብሎኖቼ እየተሰረቁ በመወሰዳቸው የጉዞ ስጋት ተጋርጦብኛል አለ

የኢትዮ ጅቡቲ የባቡር አክሲዮን ማህበር የሃዲድ ብሎኖቼ እየተሰረቁ በመወሰዳቸው የጉዞ ስጋት ተጋርጦብኛል አለ፡፡የሃዲድ ብሎኖች መፈታታቸውም ባቡሩን ከመስመር ሊያስወጣና በሰውና በንብረት ላይ ከፍተኛ ጉዳት ሊያስከትል የሚችል መሆኑንም የኢትዮ ጅቡቲ ስታንዳርድ ጌጅ የባቡር ትራንስፖርት አክሲዮን ማህበር ለሸገር ተናግሯል፡፡የአክሲዮን ማህበሩ ዋና ዳይሬክተር ኢ/ር ጥላሁን ሳርካ እንደነገሩን በተለይ ከሰበታ እስከ ቢሾፍቱና ከወለንጪቲ እስከ መኢሶ ድረስ ባለው የባቡር መስመር በተደጋጋሚ የባቡር ሃዲዱ ብሎኖች እየተፈቱ ተሰርቀዋል፡፡

ሰበታ ቀበሌ 08 የባቡር ጣቢያም ለበርካታ ጊዜ የሃዲዱ ብሎን የተፈቱበት አጋጣሚ መኖሩን ኢ/ር ጥላሁን ይነገራሉ፡፡ከብሎን መፍታት በተጨማሪ በተጠቀሱት አካባቢዎች ሃዲዱ ላይ ድንጋይ መደርደርም ያጋጥመናል ብለዋል፡፡የሚፈጸመው ድርጊት ስላሳሰበንም ለፌዴራል ፖሊስ አመልክተን ጉዳዩን እየተከታተለው ነው ሲሉም ነግረውናል፡፡

የኢትዮጵ ጅቡቲ የባቡር መስመር ከፍተኛ ገንዘብ የፈሰሰበት ትልቅ ፕሮጀክት ነው ያሉት ኢ/ር ጥላሁን የኢትዮጵያ ሕዝብ በጋራ እንደገነባው ሁሉ በጋራ ሊጠብቀው ይገባል ባይ ናቸው፡፡የሃዲድ ብሎን መፍታትና ድንጋይ መደርደር ባቡሩን ከመስመር አስወጥቶ ትልቅ አደጋ ሊያስከትል የሚችል ወንጀል በመሆኑም ይህንኑ ድርጊት የሚፈጽሙ ከድርጊታቸው እንዲቆጠቡ፣ የአካባቢው ህብረተሰብም ጥበቃ እንዲያደርግ አሳስበዋል፡፡

የባቡሩ ሰራተኞችም ጉዞ ከመጀመራቸው በፊት ባቡሩንና ተጓዦችን ከአደጋ ለመጠበቅ የባቡር ሃዲዱ ብሎኖች ስለመኖር አለመኖራቸው እያረጋገጡ ፤ የተፈታ ካለም በሌላ ብሎን ማሰር የዘወትር የስራ አካላቸው እንዲሆን ተገደዋል መባሉንም ሰምተናል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers