• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የመድኃኒት እጥረት ሳይኖር ዋጋ ለመጨመር መድኃኒቶችን እያከማቹ የገበያ እጥረት የሚፈጥሩ መድኃኒት ሻጮች ላይ ቁጥጥር...

የመድኃኒት እጥረት ሳይኖር ዋጋ ለመጨመር መድኃኒቶችን እያከማቹ የገበያ እጥረት የሚፈጥሩ መድኃኒት ሻጮች ላይ ቁጥጥር እያደረኩ ነው ሲል የመድኃኒት ፈንድና አቅርቦት ኤጀንሲ ተናገረ፡፡ከቅርብ ጊዜ ወዲህ በተለይ የውጭ ምንዛሪ እጥረትና የዶላር መጨመርን ተከትሎ የስኳርና ሌሎች በተከታታይ መወሰድ ያለባቸው መድኃኒቶች ከገበያው ጠፍተው ተቸገርን ሲሉ ተጠቃሚዎች ቅሬታቸውን እያሰሙ ቆይተዋል፡፡

በመድኃኒቶች ላይ የተለየ የዋጋ ጭማሪ አልተደረገም በመንግስት ተገዝተው ወደ አገር ውስጥ ለሚገቡ መድኃኒቶች የሚከፈለው ዋጋ ለመድኃኒቶች ግዥ የወጣው እና የማጓጓዣው ብቻ እንጂ በመንግስት የጤና ተቋማት ላይ የዋጋ ጭማሪ የለም ሲሉ ወ/ሮ አድና በርሄ የመድኃኒት ፈንድና አቅርቦት ኤጀንሲ የህዝብ ግንኙነት ሀላፊ ለሸገር ተናግረዋል፡፡

የግል መድኃኒት መሸጫዎችም ከኤጀንሲው መድኃኒት ይገዛሉ ያሉት ወ/ሮ አድና ነገር ግን ከሚገባቸው ኮታ በላይ አከማችተው የመድኃኒት እጥረት እንዲፈጠር እንዳያደርጉ ኤጀንሲው ቁጥጥር ያደርጋል ብለዋል፡፡

መድኃኒቶች ጠፍተው ተጠቃሚው እንዳይቸገርም በቂ መድኃኒቶች ስለተከፋፈሉ መድሃኒቶችን በተቻለ መጠን ከከተማ መድኃኒት መሸጫዎች ብትገዙ ሲል የመድኃኒት ፈንድና አቅርቦት ኤጀንሲ ተናግሯል፡፡

በመደበኛነትና በተከታታይ የሚወሰዱ መድኃኒቶች በገበያው ላይ የለም ከተባላችሁ ዋጋም ከተጨመረባችሁ ለኤጀንሲው ቦታውንና የመድኃኒቱን ዓይነት አሳውቁ ተብላችኋል፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers