• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ የግብፅና የሱዳን የሚኒስትሮች ስብሰባ ዛሬ በካርቱም መጀመሩ ተነገረ

የኢትዮጵያ የግብፅና የሱዳን የሚኒስትሮች ስብሰባ ዛሬ በካርቱም መጀመሩ ተነገረ፡፡ ከውጭ ጉዳይ መስሪያ ቤት ቃል አቀባይ ጽ/ቤት ሸገር እንደሰማው 3ቱ ሚኒስትሮች ካርቱም ላይ የተገናኙት ኢትዮጵያ በምትገነባው የታላቁ ህዳሴ ግድብ የውሃ አሞላል ዙሪያ ለመምከር ነው ተብሏል፡፡ በግድቡ አሞላልና ኦፕሬሽኑ ዙሪያ ውይይት ይደረጋል ተብሎ እንደሚጠበቅም ከቃል አቀባዩ መስሪያ ቤቱ ሰምተናል፡፡

በዶ/ር ወርቅነህ ገበየው የተመራውን የኢትዮጵያ ልዑካን ቡድን የሱዳኑ የውጭ ጉዳይ ሚኒስትር ኢብራሂም ጋንዱር መቀበላቸውም ተነግሯል፡፡ ከዚህ ጋር ተያይዞም በውሃ መስኖ ኤሌክትሪክ ሚኒስትር ዶ/ር ኢንጂነር ስለሺ በቀለ የሚመራ የኢትዮጵያ የልዑካን ቡድን በምስራቅ ናይል ተፋሰስ ቀጠናዊ ድርጅት ከመጋቢት 24 እስከ መጋቢት 25 ቀን 2010 ዓ/ም ድረስ የምክክር ስብሰባ ማድረጉ ተነግሯል፡፡

ሶስቱ ሚኒስትሮች በሚኖራቸው ጊዜ በአጠቃላይ የግድቡ ግንባታና የውሃ አሞላል ዙሪያ ትኩረት አድርገው እንደሚነጋገሩ ይጠበቃል፡፡ የኢትዮጵያ የውጭ ጉዳይ ሚኒስቴር ቃል አቀባይ መስሪያ ቤት እንደነገረን ዶ/ር ወርቅነህ ገበየሁ ከዚህም በተጨማሪ ከአገራቱ ሚኒስትሮች ጋር በሶስትዮሽና በሁለትዮች ጉዳይ ይመክራሉ ተብሎ እንደሚጠበቅ ነው፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers