• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የቀድሞው ጠቅላይ ሚኒስትር ኃይለማርያም ደሳለኝ በስራ ጊዜያቸው በተለያዩ ፍላጎቶች ምክንያት ከኢህአዴግና ከአባል ድርጅቶቹ ድጋፍ አይደረግላቸውም ነበር ተባለ

የቀድሞው ጠቅላይ ሚኒስትር ኃይለማርያም ደሳለኝ በስራ ጊዜያቸው በተለያዩ ፍላጎቶች ምክንያት ከኢህአዴግና ከአባል ድርጅቶቹ ድጋፍ አይደረግላቸውም ነበር ተባለ፡፡የኢህአዴግ እና የህውሐት ማዕከላዊ ኮሚቴ አባሉ ጌታቸው ረዳ ለመንግስታዊው የወሬ ምንጭ አዲስ ዘመን ጋዜጣ እንደተናገሩት ከአቶ መለስ ዜናዊ ሞት በኋላ በነበረው የስልጣን ሽግግር ወቅት የወንበሩ ፈላጊ እና እኔ ነኝ አዋቂው የሚለው ሰው ቁጥር በመብዛቱ ይህ ችግር ተፈጥሯል ብለዋል፡፡

የአስተሳሰቡ ተረካቢ እኔ ነኝ ዋነኛ ባለቤት ከእገሌ በበለጠ የማውቀውና የምረዳው እኔ ነኝ ባዩ በመብዛቱ አቶ ሀይለ ማርያም ደሳለኝ ስራቸውን በሚገባ እንዲሰሩ ከመርዳት ይልቅ ሙከራዎቻቸውንና እንቅስቃሴዎቻቸውን የመንቀፍ ነገር በዝቶ ነበር ሲሉም አቶ ጌታቸው ተናግረዋል፡፡

የቀድሞው ጠቅላይ ሚኒስትር ሀይለማርያም ደሳለኝ በኢህአዴግና በአባል ድርጅቶቹ ተገቢውን እገዛ በስራቸው ወቅት እንዳላገኙ ከአቶ ጌታቸው ረዳ በተጨማሪ የኢህአዴግ ጽ/ቤት ኃላፊው አቶ ሽፈራው ሽጉጤ ቀደም ሲል በሰጡት ጋዜጣዊ መግለጫቸው ላይ በይፋ መናገራቸው ይታወሳል፡፡ኢህአዴግ ለቀድሞው ጠቅላይ ሚኒስትር ሀይለማርያም ደሳለኝ በአንድነትና በተደራጀ መንገድ ለስኬታቸው ከመንቀሳቀስ ይልቅ ነጥብ በማስቆጠር ላይ ያተኮረ ነበር ያሉት አቶ ጌታቸው ይህም የኢህአዴግን አላማዎች ተግባራዊ ለማድረግና አንድ ወገን ለመስራት ይጠበቅብናል የሚለውን መርህ የሳተና የጎዳ ነበር ብለዋል፡፡

ለአዲሱ ጠቅላይ ሚኒስትር አብይ አህመድ ከኢህአዴግና ከአባል ድርጅቶቹ ሁሉም አመራር በሙሉ አቅሙ ድጋፍ እንዲሰጥ ስምምነት መደረጉን እና ይህንን ማድረግ አማራጭም ሆነ በችሎታ የሚሰጥ ነገር አለመሆኑን የፓርቲው አባላት መስማማታቸውን አቶ ጌታቸው ለመንግስታዊው የወሬ ምንጭ ተናግረዋል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers