• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ንግድ ሚኒስቴር ተገልጋዮች ባሉበት ሆነው በኤሌክትሮኒክ መላ ንግድ ፍቃድ የሚያወጡበትንና የሚያሳድሱበትን አሰራር ጀመርኩ አለ

ንግድ ሚኒስቴር ተገልጋዮች ባሉበት ሆነው በኤሌክትሮኒክ መላ የተለያዩ አገልግሎቶች የሚያገኙበትን መንገድ ስራ ላይ አውያለሁ ብሏል፡፡አሰራሩ ሰዎች በአካል መቅረብ ሳያስፈልጋቸው ባሉበት ሆነው አስፈላጊ ቅፆችን በመሙላት አገልግሎቱን እንዲያገኙ የሚያስችል እንደሆነ ሰምተናል፡፡

በዚህ የኤሌክትሮኒክ መላ የሚሰጡት አገልግሎቶች የንግድ ምዝገባ፤ አዲስ የንግድ ስራ ፍቃድ እና ዕድሳት እንዲሁም የንግድ ስያሜ ማውጣት እንደሆኑ የሚኒስቴሩ የህዝብ ግንኙነትና ኮሙኒኬሽን ጉዳዮች ፅህፈት ቤት ሃላፊ አቶ ወንድሙ ፍላቴ ለሸገር ተናግረዋል፡፡አቶ ወንድሙ እንዳሉት አዲሱ መላ ቀልጣፋ እና የተገልጋዮችን ጊዜ ቆጣቢ ነው፡፡

አሰራሩ አሁን ስራ ላይ የዋለው በፌዴራል ደረጃ እንደሆነም ሃላፊው ነግረውናል፡፡በቀጣይ ግን በክልሎችና እና የከተማ አስተዳደሮች እንዲሁም በክፍለ ከተሞች ተግባራዊ ይሆናል ብለዋል፡፡በመገናኛ እና ኢንፎርሜሽን ቴክኖሎጂ ሚኒስቴር የተሰራ በኤሌክትሮኒክ መላ የንግድ ፍቃድን የማውጣትና ማሳደስ መንገድ እንደሆነም ሠምተናል፡፡

የመስሪያ ቤቱን ድረ ገፅ በመጠቀም አገልግሎቶቹን ማግኘት ይችላልም ተብሏል፡፡አዲሱን አሰራር በሰፊው እንደሚያስተዋውቅም ንግድ ሚኒስቴር ነግሮናል፡፡ሚኒስቴር መስሪያ ቤቱ የንግድ ስርዓቱን ለማዘመን ለበርካታ ዓመታት ሲሰራባቸው ከቆዩ ጉዳዮች አንዱ ይኸው በኤሌክትሮኒክ መላ የንግድ ፈቃድን ማውጣትና ማሳደስ የሚያስችለው አሰራር ነው ተብሏል፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers