• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በቅዱስ ጳውሎስ ሚሊኒየም የህክምና ኮሌጅ በብቸኝነት የሚሰጠው የኩላሊት ህክምና እና ንቅለ ተከላ ከአሁን በኋላ ሙሉ በሙሉ በሀገር ውስጥ...

በቅዱስ ጳውሎስ ሚሊኒየም የህክምና ኮሌጅ በብቸኝነት የሚሰጠው የኩላሊት ህክምና እና ንቅለ ተከላ ከአሁን በኋላ ሙሉ በሙሉ በሀገር ውስጥ የህክምና ባለሙያዎች ይደረጋል ተባለ፡፡ከ2 አመት 9 ወራት በፊት በዚሁ ሆስፒታል የተጀመረው የኩላሊት እጥበት እንዲሁም የኩላሊት ንቅለ ተከላ ህክምናው ይሰጥ የነበረው ከአሜሪካው ሚችጋን ዩኒቨርሲቲ የመጡ ሀኪሞች ከኢትዮጵያውያን ጋር በጋራ በመሆን ነበር፡፡

ህክምናው ሙሉ በሙሉ በሀገር ቤት ሀኪሞች እንዲደረግም በኩላሊት ህክምና ተጨማሪ ትምህርት በመውሰድ ስፔሻላይዝድ ያደረጉ ሀኪሞች ትምህርታቸውን አጠናቀው ወደ ስራ መግባታቸውን አቶ ንዋይ ፀጋዬ የቅዱስ ጳውሎስ ሆስፒታል ሚሊኒየም የህክምና ኮሌጅ የኮሚኒኬሽን ዳይሬክተር ለሸገር ተናግረዋል፡፡የኩላሊት ህክምናና ንቅለ ተከላ ማዕከሉ በኢትዮጵያ እንዲጀመር አስተዋጽኦ ያበረከቱ ግለሰቦችም እና ሀላፊዎችም ሆስፒታሉ እውቅና መስጠቱን አቶ ነዋይ ነግረውናል፡፡

ሆስፒታሉ የኩላሊት ህክምናው በሌሎች ሆስፒታሎችም እንዲጀመር ተጨማሪ ሐኪሞች እና ነርሶች እያሰለጠነ እንደሆነም ተነግሯል፡፡የቅዱስ ጳውሎስ ሆስፒታል ሚሊኒየም የህክምና ኮሌጅ የኩላሊት ንቅለ ተከላ ማዕከል ህክምና ከጀመረ ጊዜ አንስቶ እስካሁን በሆስፒታሉ ከ80 በላይ ለሆኑ ሰዎች የኩላሊት ንቅለ ተከላ ማድረጉን ሰምተናል፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers