• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በኢትዮጵያ የተገነቡ ወጣት ማዕከላት የታቀደላውን ሥራ እየሰሩ አይደለም ተባለ

በ2002 ለወጣቶች ማዕከላት የወጣው አገልግሎት አሰጣጥ ደረጃ አሁን ያለውን የወጣቱን አስተሳሰብና ፍላጎት እንደማይመጥን ተነግሯል፡፡ይህን የሰማነው ዛሬ የወጣቶችና ስፖርት ሚኒስቴር በወጣቶች ስብዕና ግንባታ ዙሪያ በየደረጃው ካሉ አመራሮችና ከተወካዮች ምክር ቤት ማህበራዊ ዘርፍ ቋሚ ኮሚቴ አባላት ጋር እያደረገ ባለው ውይይት ነው፡፡

በሚኒስቴር መስሪያ ቤቱ የተደረገ የዳሰሳ ጥናት እንዳሳየው ከሆነ የተገነቡ ወጣት ማዕከላት የአገልግሎት ደረጃ አሰጣጣቸው ብቻ ሳይሆን የግንባታ ዲዛይናቸው ላይ ችግር አለበት ብሏል፡፡ወደፊት የሚገነቡት የወጣት ማዕከላት ዲዛይናቸው መሻሻል እንዳለበትም ጥናቱ አመላክቷል፡፡

አገልግሎት አሰጣጡም በደረጃ የተከፈለ፣ ቴክኖሎጂን ያካተተና የወጣቶችን የፈጠራ ስራ የሚያበረታታ መሆን አለበትም ብሏል፡፡በኢትዮጵያ ከ9 መቶ በላይ ወጣት ማዕከላት ቢኖሩም በአግባቡ ወጣቶችን እያገለገሉ እንዳልሆኑ ሰምተናል፡፡

ከአዲስ አበባ ውስጥ ካሉት በስተቀር በክልል ያሉት ወጣት ማዕከላት ቋሚ ሰራተኞች እንደሌላቸውም በጥናቱ ቀርቧል፡፡ሚኒስቴር መስሪያ ቤቱም ማዕከላቱ ያለባቸውን ችግሮች ይቀርፋል የአገልግሎት አሰጣጥ ደረጃቸውንም ከፍ ያደረጋል ያለውን የመፍትሄ ሀሳብ አቅርቦ እያወያየበት ይገኛል፡፡

አስፋው ስለሺ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers