• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በኢትዮጵያ የቡና ሻይና ቅመማ ቅመም ወጪ ንግድ እየጨመረ ቢሆንም ከአመት አመት የሚያሳየው ጭማሪ ግን ቀርፋፋ መሆኑ ተሰማ

ይህ የተሰማው የኢትዮጵያ ቡናና ሻይ ባለስልጣን የ9 ወራት የስራ አፈፃፀሙን የተመለከተ ሪፖርት ዛሬ ለሕዝብ እንደራሴዎች ምክር ቤት የግብርና ጉዳዮች ቋሚ ኮሚቴ ባቀረበበት ወቅት ነው፡፡የቡና ሻይና ቅመማ ቅመም ንግድ የጥራት ደረጃውን ጠብቆ ለውጪ ገበያ እንዲላክ ቢደረግም የሚላከው መጠን ግን ከአመት አመት አጥጋቢ የሆነ ጭማሪ አያሳይም ተብሏል፡፡

የምርጥ ዘርና የኢንዱስትሪ ግብአት የአቅርቦት ችግር ፣ ሕገ-ወጥ የንግድ ዝውውር መኖር ለቡናና ሻይ ወጪ ንግዱ በተፈለገው መጠን እድገት አለማሳየት ምክንያቶች እንደሆኑ ተነግሯል፡፡በ2010 በጀት አመት 9 ወራት ከ159 ሺ ቶን በላይ ቡና ለውጪ ገበያ ተልኮ ከ560 ሚሊየን ዶላር በላይ ገቢ ተገኝቷል ተብሏል፡፡የቡና ወጪ ንግዱ ካለፈው አመት ጋር ሲመሳከር በመጠንና በገቢ ጭማሪ ማሳየቱ ተነግሯል፡፡

ባለስልጣን መስሪያ ቤቱ በ9 ወራት ሪፖርቱ ከ1 ሺ 364 ቶን በላይ የሻይ ምርት ደግሞ ለውጪ ገበያ መላኩንና በዚህም ከ2 ሚሊዮን ዶላር በላይ ገቢ ማግኘቱን ለቋሚ ኮሚቴ ተናግሯል፡፡በበጀት አመቱ የቅመማ ቅመም ወጪ ንግድ ከ8 ሚሊዮን ዶላር በላይ ገቢ ቢገኝም የቅመማ ቅመም ምርቱ በመጠንም ሆነ በገቢ ቅናሽ የታየበት ነው ተብሏል፡፡

በተለይ የቡና ምርታማነት መቀነስ ላይ ያረጀ ቡና የመሬት ሽፋን መጨመር ፣ የበሽታ ስርጭት መጨመር ፣ አዳዲስ የቡና ችግኞችን አለመጠቀምና ሌሎችም ምክንያቶች ናቸው ተብሏል፡፡በባለስልጣን መስሪያ ቤቱ ለችግሮቹ ማስተካከያ ለማድረግ ምን ታስቧል የሚሉና ሌሎች ጥያቄዎች በቋሚ ኮሚቴ አባላት ተነስቷል፡፡የባለስልጣን መስሪያ ቤቱ የስራ ሀላፊዎች በቋሚ ኮሚቴው ተገኝተው ምላሽ እየሰጡ ነው፡፡

ምህረት ስዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers