• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በኢትዮጵያና በቼክ ሪፐብሊክ መካከል ባለው የንግድ ግንኙነት የኢትዮጵያ ድርሻ ዝቅተኛ መሆኑ ተነገረ

በቼክ ኤምባሲ በአዲስ አበባ ንግድና ዘርፍ ማህበራት ምክር ቤት እና በቼክ ሪፐብሊክ ንግድ ምክር ቤት ትብብር በተዘጋጀ የንግድ ልውውጥ መድረክ የአዲስ አበባ ንግድና ዘርፍ ምክር ቤት ፕሬዝዳንት አቶ ኤልያስ ገነቴ በሁለቱ አገራት መካከል ያለው የንግድ ልውውጥ ወደ ቼክ ሪፐብሊክ ያደላ መሆኑ ተናግረዋል፡፡

ቼክ ከኢትዮጵያ የተቆላ ቡና ፣ የተፈተገ ሰሊጥ እና ሌሎችም ምርቶችን በብዛት ብትፈልግም ኢትዮጵያውያን አምራቾችና ላኪዎች ደረጃውን የጠበቀ አለም አቀፉን መስፈርት የሚያሟላ አቅርቦት ስለሌላቸው ሊገኝ የሚችለውን የውጪ ምንዛሬ እንዳያስገቡ እንቅፋት ሆኖባቸዋል ብለዋል ፕሬዝዳንቱ ፡፡የአዲስ አበባ ንግድና ዘርፍ ማህበራት ምክር ቤት አምራቾችና ላኪዎች የሚጠበቅባቸውን መስፈርት እንዲያሟሉ ለማስቻል እየሰራ መሆኑንም አቶ ኤልያስ ተናግረዋል፡፡

በማኒፋክቸሪግ ዘርፍ በአለም ከፍተኛ ተቀባይነት ያላቸው የቼክ ኩባንያዎች በኢትዮጵያ መዋለ ነዋያቸውን እንዲያፈሱና የቴክኖሎጂ ሽግግር እንዲያደርጉ የአዲስ አበባ ንግድ ምክር ቤትና ሌሎች የሚመለከታቸው አካላት ተባብረው ሊሰሩ ይገባል ተብሏል፡፡በዝግጅቱ ላይ የተለያዩ የቼክ ሪፐብሊክ ኩባንያዎች ልምዳቸውን ያካፈሉ ሲሆን ኢትዮጵያ ውስጥ ለመስራት ያላቸውን ቀጥተኛ ፍላጎት አሳይተዋል፡፡

ማህሌት ታደሰ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers