• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያ ሶማሌ ክልል የቀድሞው ፖሊስ ኮሚሽነር ታስረው ፍርድ ቤት ቀረቡ

የኢትዮጵያ ሶማሌ ክልል የቀድሞው ፖሊስ ኮሚሽነር ታስረው ፍርድ ቤት ቀረቡ፡፡ የቀድሞው ርዕሰ መስተዳድርና ሌሎች ሁለት ተጠርጣሪዎች ያቀረቡት የዋስትና ጥያቄ ውድቅ ሆነ፡፡ የፌዴራሉ ከፍተኛ ፍርድ ቤት፣ ልደታ ምድብ 19ኛ ወንጀል ችሎት በይደር የያዘውን ተጠርጣሪዎቹ አቶ አብዲ መሐመድን ፣ ወይዘሮ ራህማ መሐመድና የአቶ አብዱልአዚዝ አሚንን የዋስትና መብት እንዲከበርላቸው ያቀረቡትን ጥያቄ ውድቅ አድርጎ፣ ፖሊስ የጠየቀውን ተጨማሪ ጊዜ ፈቅዷል፡፡

በትናንትናው ዕለት በዋለው ችሎት የኢትዮጵያ ሶማሌ ክልል የቀድሞ ፖሊስ ኮሚሽን ኮሚሽነር ፈርሃን ጣሂር በቁጥጥር ስር ውለው ፍርድ ቤት ቀርበዋል፡፡አቶ ፈርሃን ጣሂር “ሄጎ” ተብሎ ለሚጠራው ቡድን ትጥቅ ሰጥተው የአካል ጉዳት እንዲደርስና ንብረት እንዲወድም አድርገዋል ተብለው ተጠርጥረዋል፡፡

ዘጠኝ የሄጎ አመራሮች የጦር መሳሪያ በመስጠት በጅግጅጋና በአካባቢው እልቂት እንዲፈጠር በማድረግ ሴቶች ተገደው እንዲደፈሩ በማድረግ ወንጀል መጠርጠራቸውን ፖሊስ ለፍርድ ቤቱ አመልክቷል፡፡ፖሊስ አቶ ፈርሃን ጣሂር የተጠረጠሩበት ወንጀል ከባድ መሆኑንና የአካባቢውን ርቀት ጠቅሶ የ14 ቀናት ተጨማሪ የምርመራ ጊዜ እንዲሰጠው ያቀረበውን ጥያቄ ፍርድ ቤቱ ተቀብሏል፡፡ተለዋጭ ቀጠሮ ለመስከረም 4 ቀን 2011 ተሰጥቷል፡፡ትናንት ፍርድ ቤት ቀርበው የነበሩት የክልሉ መሰረተ ልማት ቢሮ ሀላፊ ሱልጣን መሐመድ በቁጥጥር ስር የዋሉት ያለመከሰስ መብታቸው ሳይነሳ በስህተት መሆኑ ስለተረጋገጠ በነፃ እንዲለቀቁ ፍርድ ቤቱ አዟል፡፡

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.



እሸቴ አሰፋ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers