• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ፆታዊ ጥቃቶችን የተመለከቱ ህጎች ውስንነትና የአፈፃፀም ክፍተት በሴቶች ላይ የሚፈጸመውን ጥቃት እየባባሱት ነው ሲል የኢትዮጵያ ህግ ባለሙያዎች ሴቶች ማህበር ተናገረ

ፆታዊ ጥቃቶችን የተመለከቱ ህጎች ውስንነትና የአፈፃፀም ክፍተት በሴቶች ላይ የሚፈጸመውን ጥቃት እየባባሱት ነው ሲል የኢትዮጵያ ህግ ባለሙያዎች ሴቶች ማህበር ተናገረ፡፡ ማህበሩ ዛሬ በጠራው አስቸኳይ ጋዜጣዊ መግለጫ ላይ ተገኝተን እንደሰማነው የማህበረሰቡ የተዛባ አመለካከት፣ በሴቶች ጉዳይ ላይ ያለው የፖለቲካ ቁርጠኝነት ማነስና በውሳኔ ሰጭነት ቦታ ላይ የሴቶች ተሳትፎ ከሚጠበቀው በታች መሆኑ ለሴቶች ጥቃት በምክንያትነት ተጠቅሰዋል፡፡

የማህበሩ ስራ አስፈፃሚ ዳይሬክተር ወ/ሮ ሜሮን አራጋው የሴቶች አጀንዳ ችላ በመባሉ ተደጋጋሚ አካላዊ ጥቃቶች በሴቶች ላይ እየተፈፀሙ ነው ብለዋል፡፡የ14 አመት ታዳጊ በአሰሪዋ ተደጋጋሚ የመድፈር ጥቃት ተፈጽሞባት ለሞት መብቃቷን የተናገሩት ዳይሬክተሯ ከ2 ቀናት በፊት የ4 እና የ6 አመት ህፃናት ልጆች አንዷ በጎረቤት ሌላኛው በወላጅ አባቷ ተደፍራ ለከፍተኛ ጉዳት ተዳርገዋል ብለዋል፡፡

እነዚህና መሰል ጥቃቶች ለመበራከታቸው የህጎች ውስንነትና የአፈፃፀም ችግር ከፍተኛውን ድርሻ ይወስዳል ተብሏል፡፡ማህበሩ ከሌሎች የሴቶች ማህበራት ጋር በመሆን በቅርቡ “እኛም ሴቶች ዜጋ ነን” በሚል በሴቶች ላይ የሚደርሰውን ጥቃት የሚቃወም ሰላማዊ ሰልፍ እንደሚያካሂድም ሰምተናል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers