• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ነገ አዲስ አበባ ይገባሉ ተብሎ ለሚጠበቀው የኦሮሞ ነፃነት ግንባር /ኦነግ/ አመራሮች የሚደረገው የአቀባበል ሥነ-ሥርዓት በሰላም እንዲጠናቀቅ እየተደረገ ነው ተባለ

ነገ አዲስ አበባ ይገባሉ ተብሎ ለሚጠበቀው የኦሮሞ ነፃነት ግንባር /ኦነግ/ አመራሮች የሚደረገው የአቀባበል ሥነ-ሥርዓት በሰላም እንዲጠናቀቅ እየተደረገ ነው ተባለ፡፡ ለኦነግ አመራሮች የሚደረገው አቀባበል በሰላም እንዲጠናቀቅ የአዲስ አበባ ከተማ ምክትል ከንቲባ ታከለ ኡማ እየመሩ ባሉት ውይይት የፌዴራል ፖሊስ ኮሚሽን፣ የአዲስ አበባ ፖሊስ ኮሚሽን፣ ፀጥታና ደህንነት፣ አዲስ አበባ ደንብ ማስከበር ፅ/ቤት፣ መከላከያ ሰራዊትና የእሳትና ድንገተኛ አደጋዎች መከላከልና መቆጣጠር ባለስልጣን ተሳታፊዎች መሆናቸውን ሰምተናል፡፡ ትላንት በአዲስ አበባ በተለይ በአዲሱ ገበያ፣ በጳውሎስ እና መድሃኒያለም አካባቢዎች በሰንደቅ ዓላማ እና በመንገድ ላይ በሚደረጉ ቅቦች የተነሳ በኦነግ ደጋፊዎችና በተከማዋ ወጣቶች መካከል ግጭት መፈጠሩ ይታወቃል፡፡

የፌዴራል ፖሊስና የአዲስ አበባ ፖሊስ ጉዳዩን ተከትሎ ወደ ግጭት የሚያመሩ ማናቸውንም እንቅስቃሴዎች እንደማይታገሱ መነገራቸው ይታወሳል፡፡ የነገው የአቀባበል ሥነ-ሥርዓት በሰላም እንዲጠናቀቅ በከተማዋ ምክትል ከንቲባ የተመራው ስብሰባ እንደተጠናቀቀ መግለጫ ይሰጣል ተብሎ ይጠበቃል፡፡ በኤርትራ የኢትዮጵያ መንግስት በትጥቅ ትግል ሲቃወሙ የነበሩ የኦነግ አባላት ነገ በአዲስ አበባ መስቀል አደባባይ አቀባበል የሚደረግላቸው ሲሆን በተመሳሳይ በትጥቅ ትግሉ ሲንቀሳቀሱ የነበሩ የድርጅቱ ታጣቂዎች ነገ ጠዋት በዛላንበሳ በኩል ብዛታቸው ከ1300 እስከ 1500 ድረስ የሚገመቱ ታጣቂዎች ወደ ኢትዮጵያ ይገባሉ ተብሎ ይጠበቃል፡፡

ንጋቱ ሙሉ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers