• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በቤንሻንጉል ጉምዝ የአማራ ክልል ነዋሪዎች ላይ የተፈፀመውን አሰቃቂ ግድያ የብሔረ አማራ ዴሞክራሲያዊ ድርጅት /ብአዴን/ በጥብቅ አወግዛለሁ አለ

በቤንሻንጉል ጉምዝ የአማራ ክልል ነዋሪዎች ላይ የተፈፀመውን አሰቃቂ ግድያ የብሔረ አማራ ዴሞክራሲያዊ ድርጅት /ብአዴን/ በጥብቅ አወግዛለሁ አለ፡፡ ብአዴን ባወጣው መግለጫ በቤንሻንጉል ጉምዝ ክልል በመተከል ዞን ጉባ ወረዳ አልመሃል በተባለ አካባቢ ለስራ ፍለጋ በሄዱ የክልሉ ነዋሪዎች ላይ አስነዋሪ በሆነ መንገድ ግድያ ተፈፅሟል፡፡ በድርጊቱ ልባዊ ሀዘኑን የገለፀው ብአዴን ግድያውን የፈፀሙትንና ኢ-ሰብአዊ ድርጊቱ እንዲፈፀም ስምሪት የሰጡ አካሎችን ጭምር በሕግ ለማቅረብ ከሚመለከታቸው የመንግስት አካላት ጋር እየሰራሁ ነው ብሏል፡፡

የፌዴራሉ መንግስትም በጉዳዩ ጣልቃ ገብቶ አጥፊዎቹ ለፍርድ እንዲቀርቡ ያደርግ ዘንድ ጥሪ አስተላልፏል፡፡ ብአዴን በተጨማሪ አንዳንድ የክልሉ አካባቢዎች ነዋሪዎች በሀሰት መረጃ እየተመሩ ለብአዴን አመራሮች የሌለ ስም እየሰጡ መከፋፈል መጀመራቸውን አሳውቋል፡፡ በሀሰተኛ መረጃና ፍላጎት እየተመሩ ያላቸው የክልሉ አንዳንድ ቡድኖች አመራሩን በገዛ ፈቃዳቸው ጠርገው ለማስወጣት የሚያደርጉትን ዘመቻ “ተገቢነት የሌለው” ብሎታል፡፡ በአማራ ክልል ውስጥ ዜጎች በማንነታቸውና በፖለቲካ አቋማቸው ተመስርቶ የሚደረግ ጥቃት የንብረት ውድመትና ዘረፋ ለማድረግ በሚቃጣ ህጋዊ ርምጃ እንዲወስድ አመራር ሰጥቶ እያስፈፀመ መሆኑን ተናግሩዋል፡፡

የለውጡ እንቅስቃሴ እንዲቀጥል ለህግ የበላይነት እንዲከበርና የዜጎች በነፃነት የመንቀሳቀስ መብት እንዲከበር “የተለመደው ቁርጠኝነት ይኑራችሁ” ሲል ብአዴን አባሎቹን አሳስቧል፡፡ “መንግስት ከህዝቡ ግብር እንደሚሰበስብ ሁሉ የህግ የበላይነትን የማስጠበቅ ግዴታ አለበት” የማህበራዊ ሳይንስ ባለሙያ፡፡ መንግስት የህግ የበላይነትን ለማረጋገጥ ህዝብን ከስጋት ኑሮ የመጠበቅ ግዴታ እንዳለበት ሸገር ያነጋገራቸው የማህበራዊ ሳይንስ ምሁር ተናገሩ፡፡ በተለያዩ አካባቢዎች በሚፈጠሩ ግጭቶች በሚሊዮን የሚቆጠሩ ኢትዮጵያውያን ከሕይወት መጥፋት እስከ መፈናቀል እንዲሁም ለተለያዩ ሰብአዊ ቀውስ መዳረጋቸውን ተናግረዋል፡፡

ችግሩም እንደቀጠለ መሆኑ ይታወቃል፡፡ ዜጎችም በስጋት ኑሯቸው ለመግፋት ተገደዋል፡፡ እንዲህ የሰፋ ሰብአዊ ቀውስ የሚያስከትለውን ግጭት ለመፍታትም መንግስት በማስተማር ሳይሆን የህግ የበላይነትን በማስከበር የማረጋገጥ ግዴታ እንዳለበት የማህበራዊ ሳይንስ ምሁር ዶ/ር የራስወርቅ አድማሴ ለሸገር ተናግረዋል፡፡ “መንግስት ከህዝቡ ግብር እንደሚሰበሰብ ሁሉ ሰላምን በማስከበር እና የህግ የበላይነትን በማስጠበቅ የህዝቡን ደህንነት የመጠበቅ ግዴታ አለበት” የሚል አስተያየት ሰጥተዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers