• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ጠቅላይ ሚኒስትር ዐቢይ አህመድ ወጣቶችን በሀላፊነት ላይ መመደባቸውን ቀጥለዋል

ጠቅላይ ሚኒስትር ዐቢይ አህመድ ወጣቶችን በሀላፊነት ላይ መመደባቸውን ቀጥለዋል፡፡ በዚህ ሳምንትም ወ/ት ሄራን ገርባን ለኢትዮጵያ የምግብ፣ የመድሃኒትና የጤና እንክብካቤ አስተዳደርና ቁጥጥር ባለስልጣን ዋና ዳይሬክተር ዶ/ር ሐጎስ አብርሃን የኢትዮጵያ ቱሪዝም ድርጅት ምክትል ዋና ዳይሬክተር አድርገው ሾመዋል፡፡ ወ/ት ሄራን ገርባ ላለፉት 15 አመታት በባለስልጣኑ መስሪያ ቤት በተለያዩ የሀላፊነት ደረጃዎች መስራታቸው ተነግሯል፡፡

መስከረም 2/2011 ዳይሬክተር ሆነው እስከ ተሾሙበት ቀን ድረስም የባለስልጣኑ ምክትል ዋና ዳይሬክተር ሆነው እየሰሩ እንደነበረ ሰምተናል፡፡የኢትዮጵያ ቱሪዝም ድርጅት ምክትል ዋና ዳይሬክተር ሆነው የተሾሙት ዶ/ር ሐጎስ አብርሃ የመቀሌ ዩኒቨርስቲ መምህር ሆነው ቆይተዋል፡፡ ዶ/ር ሐጎስ አብርሃ በየገዳማቱ እየተዘዋወሩ ጥንታዊ የብራና ፅሁፎች ላይ በፌሎሎጂካዊ አጠናን ምርምር በማድረግ እንደሚታወቁ የሕይወት ታሪካቸው መዝገብ ያስረዳል፡፡ ዶ/ር ሐጎስ ሹመቱ የተሰጣቸው ሐምሌ 26/2010 ቢሆንም እስካሁን የክረምት መርሃ ግብር የማስተማር ስራቸውን እስኪያጠናቅቁ ቆይተው ባለፈው ሰኞ ስራቸውን መረከባቸውን ሰምተናል፡፡

እሸቴ አሰፋ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers