• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

አዲስ የካፒታል እቃ ፋይናንስ ንግድ ስራ አክሲዮን ማህበር የጥቃቅንና አነስተኛ የስራ ማህበራት የሚኖሩባቸው የማምረቻ ማሽን ችግሮችን ለመፍታት እየሰራሁ ነው አለ

አዲስ የካፒታል እቃ ፋይናንስ ንግድ ስራ አክሲዮን ማህበር የጥቃቅንና አነስተኛ የስራ ማህበራት የሚኖሩባቸው የማምረቻ ማሽን ችግሮችን ለመፍታት እየሰራሁ ነው አለ፡፡ይህንኑ ውጤታማ ለማድረግ በማዕከል ደረጃ ተወስኖ የቆየውን አሰራር በየክፍለ ከተሞቹ ለማድረግ ቢሮው ጽ/ቤቶቹን መክፈት ጀምሯል ተብሏል፡፡ 

አክሲዮን ማህበሩ ባለፉት 4 አመታት በከተማዋ በሚገኙ የጥቃቅንና አነስተኛ የስራ ማህበራት በጠቅላላው 4 ሺ 653 የማምረቻ ማሽነሪዎቹን ማቅረቡን ሰምተናል፡፡ ማሽኖቹን ለማግዛትም 110 ሚሊዮን ብር ወጪ ተደርጓል ተብሏል፡፡ ከ3 ሺ 1 መቶ በላይ አባላት ያሉዋቸው 2 ሺ 96 ማህበራት ወይም ኢንተርፕራይዞች የእድሉ ተጠቃሚዎች መሆናቸውን ኩባንያው ከደንበኞቹ ጋር ውይይት ሲያደርግ ሰምተናል፡፡


የሚደረገው ውይይትም በአሰራሩ ዙሪያ ያሉ ችግሮችን ለመለየት ያስችለናል ሲሉ የአዲስ ካፒታል እቃ ፋይናንስ ንግድ ስራ አክሲዮን ማህበር ስራ አስኪያጅ አቶ መሳይ ኢንሴኔ ተናግረዋል፡፡ በውይይቱ ወቅት እንደሰማነው ከሆነ የማሽን ተጠቃሚዎች የክህሎት ማነስ፣ ማሽኖቹን ተረክበው በወቅቱ ስራቸውን አለመጀመር፣ በኩባንያው የሚጠበቁ መስፈርቶችን አሟልቶ አለመቅረብ፣ በማህበራቱ በኩል የሚታዩ ችግሮች ናቸው፡፡ ማህበራቱ በበኩላቸው ወደ ስራ ከመግባታቸው በፊት በቂ የሆነ ስልጠና እያገኙ እንዳልሆነ የድርጅቱ የወለድ መጠን ከፍ ማለት፣ የመብራት መቆራረጥ፣ የመስሪያ ቦታ ችግርና የማሽን ጥገና መዘግየት፣ ባቀዱት መጠን ሊያድጉ እንዳላስቻላቸው ሰምተናል፡፡

በየነ ወልዴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers