• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የሚኒስትሮች ምክር ቤት የካቢኔ አባላት ብዛት ከ28 ወደ 20 ዝቅ እንዲል ውሳኔ ማስተላለፉ ተሰማ

ውሳኔው የተሰማው የሚኒስትሮች ምክር ቤት ዛሬ ጠዋት ባደረገው ስብሰባ ሲሆን የፌደራል መንግሥትን አስፈጻሚ አካላት ስልጣንና ተግባር ለመወሰን በተዘጋጀው ረቀቅ አዋጅ ላይ መክሮ እንዲጸድቅ ለተወካዮች ምክር ቤት መላኩን ሰምተናል፡፡በውይይቱ ላይ የተነሱት የአስፈጻሚ አካላትን ስልጣንና ተግባር እንደገና ለመወሰን ያስፈለገበት ዋና ዋና ምክንያቶች፣ የ2ኛው የዕድገትና ትራንስፎርሜሽን ዕቅድ በቀሪው ጊዜ ያልተጠናቀቁ ሥራዎችን አካክሶ ለመፈጸም የሚያስችል አደረጃጀት በማስፈለጉ፣ አገራችን የተያያዘችውን የለውጥ ጉዞ ለማስቀጠልና የማይቀለበስበት ደረጃ ላይ ለማድረስ የሚያስችል አደረጃጀትን መከተል በማስፈለጉ እና የአስፈጻሚ አካላትን ቁጥር ቀልጣፋ፣ ወጪ ቆጣቢና ውጤታማ ለማድረግ በማስፈለጉ መሆኑን ለማወቅ ችለናል፡፡

ከዚህም በተጨማሪ እና በዋናነት፣ ተደራራቢና ድግግሞሽ ሥልጣንና ተግባር የያዙ የመንግሥት ተቋማትን መቀነስ ወይም ለሥራቸው ቅርብ ከሆነ ሌላ የመንግሥት ተቋም ጋር እንዲዋሃዱ ማድረግ በማስፈለጉ መሆኑ ተጠቅሷል፡፡ በዚህም መሰረት፣

  • የንግድ ሚኒስቴር እና የኢንዱስትሪ ሚኒስቴር ተዋህደው - የንግድና ኢንዱስትሪ ሚኒስቴር እንዲሆን፣
  • የሳይንስና ቴክኖሎጂ ሚኒስቴር እና የመገናኛና ኢንፎርሜሽን ቴክኖሎጂ ሚኒስቴር ተዋህደው - የኢኖቬሽንና የቴክኖሎጂ ሚኒስቴር እንዲሆን፣
  • የከተማ ልማት ሚኒስቴር እና የኮንስትራክሽን ሚኒስቴር ተዋህደው - የከተማ ልማትና ኮንስትራክሽን ሚኒስቴር እንዲሆን ወስኗል፡፡

ሌሎች ተጠሪ ተቋማትም በተመሳሳይ ሁኔታ እንዲዋሃዱ ተወስኗል፡፡ ከዚህም በተጨማሪ፣ በአገር ውስጥ ሰላም እና የሕግ የበላይነት እንዲሰፍን በሕዝቡ ፈቃድ ላይ የተመሰረተ አንድ የፖለቲካ ማህበረሰብ በጋራ መገንባት ላይ ትኩረት ሰጥቶ የሚሰራ “የሰላም ሚኒስቴር” እንዲቋቋም መወሰኑን ሰምተናል፡፡ ከትምህርት ሚንስቴር ሁሉንም ዩኒቨርሲቲዎች እና የቴክኒክና ሙያ ተቋማትን በመውሰድ እንዲሁም ሳይንስና ቴክኖሎጂ ሚንስቴር ስር የሚገኙ ሁለቱን ዩኒቨርሲቲዎች በመጨመር "የከፍተኛ ትምህርትና የሳይንስ ሚንስቴር" ተብሎ እንዲደራጅ ተወስኗል፡፡ የኢትዮጵያ ገቢዎችና ጉምሩክ ባለስልጣን የገቢዎች ሚኒስቴር እና ለሚኒስቴር መስሪያ ቤቱ ተጠሪ የሆነ የጉምሩክ ኮሚሽን በመሆን ሁለት ተቋማት ሆነው እንዲደራጁ መወሰኑን ሰምተናል፡፡

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers