• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የግል ኢንቬስተሮች በኤሌክትሪክ ሀይል ማመንጨት ዙሪያ ያለ ገደብ መሰማራት እንደሚችሉ ተነገረ

የግል ኢንቬስተሮች በኤሌክትሪክ ሀይል ማመንጨት ዙሪያ ያለ ገደብ መሰማራት እንደሚችሉ ተነገረ፡፡ ኢትዮጵያ በአሁኑ ሰዓት የታላቁ ህዳሴ ግድብን ጨምሮ በተለያዩ ዘርፎች 9000 ሜጋ ዋት የሚደርስ ሀይል ለማመንጨት እየሰራች ትገኛለች፡፡ ከዚህም በተጨማሪ 21 አዳዲስ ፕሮጀክቶችን በመገንባት ከ6 ሺ ሜጋዋት በላይ ሀይል ለማመንጨት ውጥን መያዟ ይነገራል፡፡ በእነዚህ ስራዎች ውስጥ የግል ባለሀብቱ ተሳትፎ እንዲያደርግ የውሃ፣ መስኖና ኢነርጂ ሚኒስትሩ ዶ/ር ኢንጂነር ስለሺ በቀለ ጥሪ አቅርበዋል፡፡ መንግስት መመሪያዎችን አዘጋጅቶ በመጠባበቅ ላይ መሆኑንም ተናግረዋል፡፡

ሚኒስትሩ ይህን የተናገሩት ትላንት ከአዲስ ቢውልድ ኢንተርናሽናል ጎን ለጎን የተከፈተውን የመጀመሪያው አዲስ ፓወር አለምአቀፍ የኤሌክትሪክ፣ የኤሌክትሮኒከስ እና ላይቲንግ ኢግዚቢሽን መክፈቻ ላይ በመገኘት ነው፡፡ በንግግራቸውም ኢትዮጵያ የህብረሰቡን ፍላጎት ያሟላ፣ የማይቆራረጥ እንዲሁም አነስተኛ የዋጋ ታሪፍ ያለው የሀይል አቅርቦት ያስፈልጋታል ብለዋል፡፡ የአየር ንብረት ለውጥን የሚቋቋም የአረንጓዴ ልማት ኢኮኖሚንም ትሻለች ሲሉ ተናግረዋል፡፡ በተለይ የውሀ ሀይል የአገሪቱ የጀርባ አጥንት ነው ያሉት ዶ/ር ኢንጂነር ስለሺ የግል ባለሀብቶች መንግስት ለዘርፉ ኢንቨስትመንት የፈጠረውን ምቹ አማራጭ በመጠቀም መሳተፍ አለባችሁ ሲሉ በኢግዚቢሽኑ ላይ ለመሳተፍ ለታደሙ የአገር ውስጥና የውጪ ባለሀብቶች ጥሪ አቅርበዋል፡፡ የግብርናና ምግብ ኢንዱስትሪዎችንም የሚያሳትፍ ኢግዚቢሽን ያካተተው አዲስ ቢውልድ ኢንተርናሽናል ኢግዚቢሽን እና ባዛር እስከ ጥቅምት ሶስት ድረስ እንደሚቆይ ተነግሯል፡፡

ቴዎድሮስ ብርሃኑ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers