• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የኢትዮጵያን የመከላከያ ሰራዊትና ተቋምን ለማዘመን በኢትዮጵያ እና በፈረንሳይ መንግስታት መሀከል ስምምነት መደረጉ ተሰማ

የኢትዮጵያን የመከላከያ ሰራዊትና ተቋምን ለማዘመን በኢትዮጵያ እና በፈረንሳይ መንግስታት መሀከል ስምምነት መደረጉ ተሰማ፡፡ፈረንሳይ የኢትዮጵያ መከላከያ ሰራዊትንና ተቋም ለማዘመን ከኢትዮጵያ መንግስት ጋር ከመስማማቷ በተጨማሪ ከ100 ሚሊዮን ዩሮ በላይ በማውጣት የኢትዮጵያ አየር መንገድን ለማዘመን እንዲሁ መስማማቷም ተሰምቷል፡፡ ወሬው የተሰማው ጠቅላይ ሚኒስትር ዐብይ አህመድ በፈረንሳይ ፓሪስ ከፕሬዝዳንት ኢማኑኤል ማክሮን ጋር ትላንት ከተወያዩ በኋላ ነው፡፡ የፈረንሳይ መንግስትን አምነውና ሀገራችን ብለው ለሚኖሩ ኢትዮጵያዊያን የተሰጠው ፍቅር ወደፊትም እንዳይቀዘቅዝ ኑሯቸው ሰላማዊ ሆኖ እንዲቀጥል ጠቅላይ ሚኒስትሩ ፕሬዝዳንት ማክሮንን መጠየቃቸው ተሰምቷል፡፡

ጠቅላይ ሚኒስትር ዐብይ አህመድ ፕሬዝደንት ማክሮን ባደረጉላቸው ግብዣ መሰረት ፓሪስ ከደረሱ በኋላ ስለ ላሊበላ ውቅር አብያተ ክርስቲያናት እድሳት ጉዳይ ለማክሮን ጥያቄ ማቅረባቸውንና አዎንታዊ ምላሽ ማግኘታቸውንም ጠቅላይ ሚኒስትር ዐብይ አህመድ ተናግረዋል፡፡

የፈረንሳይ ፕሬዝደንት ከሁለት ወራት በኋላ ኢትዮጵያን እንዲጎበኙ በጠቅላይ ሚኒስትር ዐብይ አህመድ ግብዣ ቀርቦላቸው ተቀብለውታል ተብሏል፡፡ ወደ ስልጣን ከመጡ በኋላ የመጀመሪያ የሆነውን የአውሮፓ ጉብኝት በፓሪስ የጀመሩት ጠቅላይ ሚኒስትር ዐብይ አህመድ በዛሬው ዕለት ወደ ጀርመን በመጓዝ ከመራሄተ መንግስት አንጌላ ሜርክል ጋር ተገናኝተዋል፡፡ ቁጥራቸው ከ25 ሺህ የማያንሱ ኢትዮጵያውያን ከቀናት በኋላ ወደ ፍራንክፈርት በመጓዝና በመሰባሰብ ጠቅላይ ሚኒስትር ዐብይ አህመድን ያነጋግራሉ ተብሎ ቀጠሮ መያዙንም ሰምተናል፡፡

የኔነህ ሲሳይ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers