• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በበርሊን በሚካሄደው የጂ-20 ሐገራት የኢንቨስትመንት ጉባዔ ላይ የተሳተፉት ጠቅላይ ሚኒስትር ዐብይ አህመድ

በበርሊን በሚካሄደው የጂ-20 ሐገራት የኢንቨስትመንት ጉባዔ ላይ የተሳተፉት ጠቅላይ ሚኒስትር ዐብይ አህመድ በኢትዮጵያ ኢንቨስት በማድረግ ጉዳይ ዙሪያ ንግግር አድርገዋል፡፡ ኢትዮጵያ ቅድሚያ የምትሰጣቸውን ጉዳዮች ያነሱት ጠቅላይ ሚኒስትር ዐብይ፣ ሐገሪቱ የተሻሉ እና ብዙ የሥራ እድሎች ይፈጠሩ ዘንድ ለግሉ ዘርፍ በሯ ክፍት መሆኑን ጠቅሰዋል፡፡ በጉባኤው ላይ የጀርመኗ መራሄተ መንግሥት አንጌላ መርክል፣ “ኮምፓክት ዊዝ አፍሪካን ከዚህ ቀደሞቹ የሚለየው ስለአፍሪካ መነጋገር ሳይሆን ይህ የአሁኑ ከአፍሪካ ጋር መነጋገርን መሰረት ያደረገ ነው” ብለዋል፡፡ ለዚሁ ዓላማ መደገፊያ 1 ቢሊየን ዶላር መመደባቸውንም ተናግረዋል፡፡

ጠቅላይ ሚኒስትር ዐብይ አህመድ የጂ-20 ሐገራት “ኮምፓክት ዊዝ አፍሪካ” ጉባዔንም የታደሙ ሲሆን ከኮምፓክቱ አባላት እንዲሁም ከዓለም ባንክ እና ከዓለም የገንዘብ ድርጅት (አይ ኤም ኤፍ) ሃላፊዎችም ጋር ተወያይተዋል፡፡ ውይይቱ የኢትዮጵያን ፖሊቲካዊና ኢኮኖሚያዊ ለውጦች አንቀሳቃሽ በሆኑ መሰረታዊ ሁነቶች ላይ ያተኮረ መሆኑን የጠቅላይ ሚኒስትር ፅህፈት ቤት ሃላፊ አቶ ፍጹም አረጋ በትዊተር መልእክታቸው አስፍረው ተመልክተናል፡፡

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers