• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

አቶ ሞቱማ መቃሳና አቶ አፅብሃ አረጋዊ የቋሚ ኮሚቴ ሊቀመንበር እንዲሆኑ የቀረበውን የውሳኔ ሀሳብ የሕዝብ እንደራሴዎች ምክር ቤት ውድቅ አደረገው

አቶ ሞቱማ መቃሳና አቶ አፅብሃ አረጋዊ የቋሚ ኮሚቴ ሊቀመንበር እንዲሆኑ የቀረበውን የውሳኔ ሀሳብ የሕዝብ እንደራሴዎች ምክር ቤት ውድቅ አደረገው፡፡ ፓርላማው ባለፈው ማክሰኞ ሳይስማማበት በይደር ያቆየውን የቋሚ ኮሚቴ አመራርና አባላት ምደባን በተመለከተ የቀረበውን ውሳኔ ዛሬ በአብላጫ ድምፅ አፅድቋል፡፡ለ8 ቋሚ ኮሚቴዎች የተመደቡ ሊቀመናብርትን ምደባ ፓርላማው በአብላጫ ድምፅ ያፀደቀ ሲሆን የአቶ ሞቱማ መቃሳንና አፅብሃ አረጋዊን ምደባ ግን ፓርላማው ውድቅ አድርጎታል፡፡አቶ ሞቱማ መቃሳ የውጪ ግንኙነትና የሰላም ጉዳዮች ቋሚ ኮሚቴ ሊቀመንበር፣ አቶ አፅብሃ አረጋዊ ደግሞ የበጀት፣ ገቢዎችና ፋይናንስ ጉዳዮች ቋሚ ኮሚቴን ሊቀመንበር ሆነው እንዲመሩ ተመርጠው የነበረ ቢሆንም ፓርላማው ተቃውሟል፡፡

በመሆኑም በመጪው ጊዜ ለሁለቱ ቋሚ ኮሚቴዎች ሊቀመንበር ይመደብላቸዋል ተብሏል፡፡ ባለፈው ማክሰኞ ከፍተኛ ተቃውሞ የገጠማቸውን አቶ አማኑኤል አብርሃን ተክተው ወ/ሮ ፎዚያ አሚን የህግ፣ ፍትህና ዴሞክራሲ ጉዳዮች ቋሚ ኮሚቴ ሊቀመንበር እንዲሆኑ ዛሬ የህዝብ እንደራሴዎች ምክር ቤት ባካሄደው ልዩ ስብሰባ ወስኗል፡፡ በተያያዘ፣ የፌደራል ከፍተኛ ፍርድ ቤት ዳኛ የሆኑት አቶ አየለ ዲቦ ከስራ እንዲሰናበቱ የሚጠይቀውን የውሳኔ ሀሳብ ለህግ ፍትህና ዲሞክራሲ ጉዳዮች ቋሚ ኮሚቴ መርቷል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers