• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ተላላፊ ካልሆኑና በተለይ ከኑሮ ዘይቤ መቀየር ጋር ተያይዞ በኢትዮጵያ ስርጭቱ እየጨመረ የመጣውን የስኳር በሽታ እንደሌሎቹ ተላላፊ የሆኑ ህመሞች ትኩረት ያላገኘ በመሆኑ አሁንም በስኳር በሽታ የሚያዙ ሰዎች ቁጥር እየጨመረ ነው ተባለ

በኢትዮጵያ ከአምስት በመቶ በላይ ሕዝብ ወይም ከ2 ነጥብ 6 ሚሊዮን በላይ ሰዎች በስኳር ህመም የተጠቁ መሆናቸው ተነግሯል፡፡ዛሬ በአለም አቀፍ ደረጃ እየታሰበ የሚገኘው የአለም የስኳር ህሙማን ቀን አስመልክቶ በተሰናዳ ምክክር ላይ ተገኝተን እንደሰማነው ከሰሐራ በታች ከሚገኙ የአፍሪካ አገሮች ኢትዮጵያ ከፍተኛ የስኳር ህሙማን ያለባት ቀዳሚ ሀገር ነች ተብሏል፡፡

ከከተሞች መስፋፋት ጋር በተያያዘ እየተለወጠ የመጣው የአኗኗር ዘይቤ፤ እንቅስቃሴ አለማድረግ፣ የአመጋገብ ሥርዓት መቀየር እና የጤና ምርመራ አለማድረግ ለበሽታው ስርጭት መጨመር ዋነኛ ምክንያቶች ናቸው ተብሏል፡፡በተለይም የቅድመ ስኳር ህመም ያለባቸው ሰዎች ቁጥር በከፍተኛ መጠን እየጨመረ መምጣቱ የተነገረ ሲሆን 12 ነጥብ 3 በመቶ ሰዎች የስኳር ህመም ስጋት ያለባቸው ናቸው ተብሏል፡፡ዓይነት ሁለት ወይም ታይፕ ቱ የተባለው የስኳር ህመም ተጋላጮች ቁጥር እያሻቀበ በመጣባት ኢትዮጵያ ይህንንም ተከትሎ ለሚከሰቱ የልብ፣ የኩላሊት፣ የደም ግፊትና ሌሎች ተያያዥ ህመሞች የተጋለጡ ሕዝቦቿ ቁጥር አሳሳቢ መሆኑ ተነግሯል፡፡

የአመጋገብ ስርዓትን ማስተካከል፣ የአካል ብቃት እንቅስቃሴ ማድረግና ህመም ቢኖርም ባይኖርም በየጊዜው የጤና ምርመራ ማድረግ 80 በመቶ የስኳር ህመም በሽታን ለመከላከል አማራጭ የሌለው መፍትሄ እንደሆነው ሰምተናል፡፡እስከ 10 አመታት ድረስ ምንም ዓይነት ምልክት ሳያሳይ በደም ውስጥ የስኳር መጠን በመጨመር የሚከሰተው “ዓይነት ሁለት” የስኳር ህመም ከፍተኛ ደረጃ ላይ ከደረሰ በኋላ መታወቁ በሽታውን አሳሳቢ ያደርገዋል ተብሏል፡፡በጤና ጥበቃው ዘርፍ ተላላፊ የሆኑ ህመሞች ያገኙትን ያህል ትኩረት ሊሰጠው ይገባል የተባለው የስኳር ህመም በጤና ጥበቃ ዙሪያ የሚሰሩ ተቋማት እንዲሁም ሁሉም ከፍተኛ ትኩረት ሊሰጠውና ተጨማሪ ሰዎች በበሽታው እንዳይያዙ ለማድረግ ሊሰራበት ይገባል መባሉን ሰምተናል፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers