• Slider One

    የምስል ተጓዳኝ መልዕክት

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

በኦሮሚያ ክልል ድርቅን ጨምሮ በተለያዩ ተፈጥሯዊ ምክንያቶች ዕርዳታ ጠባቂ የሆኑ 2 ነጥብ 8 ሚሊየን ዜጎች እንዳሉ የክልሉ አደጋ ስጋት ስራ አመራር ኮሚሽን ምክትል ኮሚሽነር ገረመው ኦለቃ ይናገራሉ

በሌሎች ምክንያቶች የተፈናቀሉ እና በድንበር አካባቢ የሚገኙ ከሰባት መቶ ሺህ በላይ ድጋፍ የሚፈልጉ ዜጎችም አሉ ብለዋል፡፡ከሶማሌ ክልል የተፈናቀሉ 249 ሺህ ዜጎች እንዳሉ አቶ ገረመው ጨምረው ለሸገር ተናግረዋል፡፡በቅርቡ ከምስራቅ እና ምዕራብ ወለጋ ዞኖች የተፈናቀሉ ሰዎች ብዛት ከሁለት መቶ ሺህ በልጧልም ብለዋል፡፡የኦሮሚያ ክልል አደጋ ስጋት ስራ አመራር ኮሚሽን ለእነዚህ ሁሉ ዜጎች ድጋፍ እያደረገ እንደሚገኝ ተናግረዋል፡፡

 
ለዜጎቹ እየቀረበ ያለው በአብዛኛው ምግብ ነው ያሉት አቶ ገረመው -ለአንድ ሠው 15 ኪሎ ግራም እህል እና 4 ነጥብ 5 ሊትር ዘይት ፤ ለእናቶች እና ህጻናት ደግሞ አልሚ ምግቦች እንደሚቀርቡ ነግረውናል፡፡የመጠለያ ችግር ለገጠማቸው እና ለተፈናቃዮች የዳስ መስሪያ ፕላስቲኮች ይሰጣሉ ብለዋል፡፡ኮሚሽኑ ችግሮች ከተከሰቱ በኃላ ድጋፍ ከማድረግ ባሻገር አስቀድሞ መከላከል ላይ ምን እየሰራ ነው ያልናቸው አቶ ገረመው - የሚከተለውን መልሰዋል፡፡በተፈጥሮ ምክንያት የሚከሰቱ መፈናቀሎችን እና ዕርዳታ ጠባቂነትን ለማስቀረት ኮሚሽኑ አስቀድሞ በማቀድ እየሰራ እንደሚገኝ ምክትል ኮሚሽነሩ ለሸገር ተናግረዋል፡፡

ንጋቱ ረጋሳ 
 

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers