• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

የካቲት 4፣2011/ በኢትዮጵያ የመጀመሪያው ነው የተባለለት የመካንነት ህክምና መስጫ ማዕከል 5 ሚሊዮን ለሚደርሱ ጥንዶች የመካንነት ህክምና ይሰጣል ተባለ

በቅዱስ ጳውሎስ ሆስፒታል ሚሊኒየም የህክምና ኮሌጅ ስር የተከፈተው የመካንነት ህክምና መስጫ ማዕከል በኢትዮጵያ የሚገኙ እስከ 5 ሚሊየን ለሚደርሱ ጥንዶች የመካንነት ህክምና ለመስጠት ያስችላል ተብሏል፡፡ ፕሬዝዳንት ሳህለወርቅ ዘውዴ በተገኙበት ትናንት በይፋ ስራውን የጀመረው የህክምና ማዕከል በዘመናዊ የህክምና ስራ በመታገዝ ከማህፀን ውጪ ዘር በመፍጠር መልሶ ወደ ሴቷ ማህፀን ጽንሱን በማስቀመጥ በቴክኖሎጂ የታገዘ የመካንነት ህክምና እንደሚሰጥበት ተነግሯል፡፡

ከአሁን ቀደም ኢትዮጵያ ውስጥ በግል የጤና ተቋማት እንጂ በመንግስት እንደዚህ ዓይነት የህክምና አገልግሎት የሚሰጥ የህክምና ማዕከል አልነበረም የተባለ ሲሆን ማዕከሉ ለመጀመሪያ ጊዜ 500 ለሚሆኑ ጥንዶች የህክምና አገልግሎት ይሰጣል ተብሏል፡፡በኢትዮጵያ በርካታ ጥንዶች በተፈጥሮ መንገድ ልጅ የመውለድ ችግር ያጋጥማቸዋል የተባለ ሲሆን ይህንንም በመረዳት የቅዱስ ጳውሎስ ሆስፒታል ሚሊኒየም የህክምና ኮሌጅ የመካንነት ህክምና መስጫ ማዕከሉን መክፈቱን ተናግሯል፡፡ በ1 ነጥብ 9 ሚሊዮን ዶላር ወጪ የተገነባው የመካንነት የህክምና መስጫ ማዕከሉ ህክምናውን ፍለጋ ወደ ውጪ የሚሄዱ ዜጎችን እንግልት ያስቀራል ተብሎለታል፡፡ማዕከሉ አገልግሎቱን 500 በሚሆኑ ጥንዶች የሚጀምር ሲሆን እስከ ሁለት አመት ለ2 ሺህ ጥንዶች የመካንነት ህክምና ይሰጣል መባሉንም ሰምተናል፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers