• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

መጋቢት 4፣2011/ ዐቃቤ ሕግ በእነ ሜጀር ጀኔራል ክንፈ ዳኘው ላይ ያቀረበውን ክስ አሻሻለ

ፍርድ ቤቱ በሰጠው ትዕዛዝ መሰረት ዐቃቤ ሕግ ክሳቸውን አሻሽሎ ያቀረበው የሜጀር ጄኔራል ክንፈ ዳኘው፣ ብርጋዲየር ጀኔራል ጥጋቡ ፈትለ፣ ሻለቃ ገብረ ሥላሴ ገብረጊዮርጊስ፣ ሻለቃ ፋሲል አበራ፣ መቶ አለቃ ቶማስ ደረሰ፣ አቶ ወሰን የለህ ሀይለሚኤል፣ ህድአት ወልደትንሳኤ እና የዶክተር መኮንን ገብረሚካኤልን ክስ ነው፡፡የተሻሻለው ክስ፣ ክፍያው በውጭ ምንዛሬ እንዲሆን በማድረግ እና ድርጊቱ በኢትዮጵያ መንግስት ሳይታወቅ፣ መምህራንን በቱሪስት ቪዛ ከውጭ በማስመጣት እና ያለ ትምህርት ዲግሪ በመስጠትና በማስተማር ሽፋን የሃገሪቱን የውጭ ምንዛሬ ወደ ውጭ በማሸሽ ወንጀል ተከስሰዋል፡፡

በ2006፣ በ2007 እና በ2008 ዓ.ም ከአምስት ሚሊየን የአሜሪካ ዶላር በላይ በመክፈል በታዳሽ ሃይልና በኦፕሬሽን ማኔጅመንት እንዲሁም በ2009 በእንዱስትሪያል ኢኮኖሚ በማስተርስና በዶክትሬት ድግሪ ትምህርት እንዲሰጥ ሃሰተኛ ከሆነው የትምህርት ተቋም ጋር ውል መግባታቸው በተሻሻለው ክስ ተመዝግቧል፡፡እንደውላቸውም በአሜሪካም ሆነ በኢትዮጵያ ከማይታወቅ የፈጠራ ተቋም አራት ውሎችን ተዋውለው፣ ለሃሰተኛ ተቋሙ ከ3 ሚሊየን ዘጠኝ መቶ ሺ የአሜሪካን ዶላር በላይ አሜሪካ ሀገር በከፈታቸው የሂሳብ ቁጥሮች ገቢ በማድረጋቸው በተሻሻለው የአቃቤ ሕግ ክስ መዝገብ ሰፍሯል፡፡ክሱን የሚያየው የፌደራሉ ከፍተኛ ፍርድ ቤት ልደታ ምድብ 15ኛ ችሎት ተከሳሾቹ በቀረበባቸው ክስ ላይ ያላቸውን መልስ በፅሁፍ እንዲያቀርቡ ለመጋቢት 9፣ 2011 ተለዋጭ ቀጠሮ ሰጥቷል፡፡

እሸቴ አሰፋ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers