• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሚያዝያ 4፣2011/ ከ60 በላይ የመንግስት የስራ ሀላፊዎች በቁጥጥር ስር ዋሉ

የፌደራል ፖሊስ የተጀመረው እርምጃ ስለሚቀጥልና በመካከል የሚለቀቁና አዳዲስ የሚያዙ ስለሚኖሩ አሃዙ ሊለያይ ይችላል ብሏል፡፡ የመንግስት ግዥና ንብረት ማስወገድ አገልግሎት ዋና ዳይሬክተሩን አቶ ይገዙ ዳባንና ምክትላቸው አቶ ሰለሞን አይንማርን ጨምሮ የመስሪያ ቤቱ የተለያዩ የስራ ሀላፊዎች ትናንት ረፋድ ላይ ከቢሮአቸው በፖሊስ ቁጥጥር ስር እንደዋሉ የሸገር ምንጮች ተናግረዋል፡፡ከገንዘብ ሚኒስቴር፣ ከምግብና መድሃኒት ቁጥጥር ኤጀንሲና ከሌሎችም መስሪያ ቤቶች እስካሁን ከ60 በላይ የመንግስት የስራ ሀላፊዎች በቁጥጥር ስር መዋላቸውን ሰምተናል፡፡

ጉዳዩ ከሙስና ጋር ሳይያያዝ እንደማይቀር ምንጮቻችን ነግረውናል፡፡በቁጥር ስር ያሉት የመንግስት የስራ ሀላፊዎችን በተመለከተ ማብራሪያ ለመጠየቅ ወደ ፌደራል ጠቅላይ ዐቃቤ ሕግ ደውለናል፡፡አጠቃላይ መግለጫ እንሰጥበታለን በሚል መረጃ ከመስጠት ተቆጥቧል፡፡

በፌደራል ዋና ኦዲተር መስሪያ ቤት የመንግስትንና የህዝብን ሀብት ማባከናቸው የተረጋገጠባቸው ገንዘቡን እንዲመልሱ ተጠይቀዋል፡፡ገንዘቡን ያልመለሱትም ክስ እንዲመሰረትባቸው በህዝብ እንደራሴዎች ምክር ቤት በአፈ ጉባኤው የተቋቋመው የኦዲት ግኝቶችንና የተወሰዱ ማስተካከያዎችን የሚከታተለው ልዩ ቋሚ ኮሚቴ ከሁለት ሳምንት በፊት ለዐቃቤ ህግ ትዕዛዝ መስጠቱ ይታወቃል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers