• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሚያዝያ 4፣2011/ በሰሜን ተራሮች ብሄራዊ ፓርክ ዳግም የተቀሰቀሰው የእሳት ቃጠሎ መቀነሱ ተነገረ

ግጭ በተባለው የፓርኩ አካባቢ ባለው ሳራማ ሜዳ ላይ እሳቱን መቆጣጠር እንደተቻለ ሰምተናል፡፡ቀዳዲት ወደተሰኘው የፓርኩ ገደላማ አካባቢ የተዛመተው እሳት ግን አሁንም እንዳልጠፋ በቀይ ቀበሮ ጥበቃ ፕሮጀክት የሰሜን ፕሮጀክት አስተባባሪው አቶ ጌታቸው አሰፋ ነግረውናል፡፡ከደባርቅ፣ ከዳባት፣ ከጃን አሞራ እና ከሌሎች አካባቢዎች የተውጣጡ የህብረተሰብ ክፍሎች እሳቱን ለማጥፋት ከፍተኛ ርብርብ ማድረጋቸውን ሰምተናል፡፡

በግጭ፣ በእሜት ጎጎና በቀዳዲት አካባቢ የሚኖሩ ጭላዳ ዝንጀሮዎች መበታተናቸውን እና ከአካባቢው እየሸሹ መሆኑንም አቶ ጌታቸው ለሸገር ተናግረዋል፡፡በግጭ አካባቢ የሚኖረው አንድ የቀይ ቀበሮ ቤተሰብም ከመኖሪያው የመፈናቀል አደጋ ተጋርጦበታል ተብሏል፡፡በሰሜን ተራሮች ብሔራዊ ፓርክ የተነሳውን እሳት በቁጥጥር ስር ለማዋል ኢትዮጵያ ከተለያዩ አገራት የእሳት ማጥፊያ ሄሊኮፕተሮች መጠየቋ ይታወሳል፡፡ደቡብ አፍሪካም የእሳት ማጥፊያ አውሮፕላኖች ለመላክ መስማማቷን የኢትዮጵያ ዱር እንስሳት ልማትና ጥበቃ ባለስልጣን ትላንት በሰጠው መግለጫ ተናገሯል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers