• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሚያዝያ 8፣ 2011/ የጦር መሳሪያ አያያዝ፣ አጠቃቀምና ዝውውርን ሥርዓት ያስይዛል የተባለ ረቂቅ ሕግ ለሕዝብ እንደራሴዎች ምክር ቤት ቀረበ

የጦር መሳሪያ አስተዳደርና ቁጥጥር አዋጅ ዛሬ በምክር ቤቱ መደበኛ ስብሰባ ከሚመከርባቸው ረቂቅ አዋጆች አንዱ ሆኖ ቀርቧል፡፡በሕገ መንግስቱ የጦር መሳሪያ አያያዝን በተመለከተ የፌደራል መንግስቱ ሕግ ያወጣል ይላል፡፡ይሁንና በወንጀል ሕጉ ላይ የጦር መሳሪያ ሕግን ከደነገገበት አንቀፅ ውጪ እስከአሁን የወጣ ሕግ የለም ተብሏል፡፡ይህም የጦር መሳሪያ አያያዝና አጠቃቀም ሥርዓት ባለው መንገድ እንዳይመራ ምክንያት ሆኗል ይላል አዋጁ ያስፈለገበትን ምክንያት የሚያብራራው የረቂቅ አዋጁ መግቢያ፡፡አሁን በህብረተሰቡ ዘንድ ያለው የጦር መሳሪያ ከቀድሞ ወታደራዊ መንግስት መፍረስ ጋር ተያይዞ የተበተነና በህገ-ወጥ መንገድ ከጎረቤት አገራት የገባ እንደሆነም በመግቢያው ላይ ተብራርቷል፡፡

በህብረተሰቡ ውስጥ ያለን የመሳሪያ ዝውውርና አጠቃቀም በተመለከተ በህግ በመቆጣጠር የህብረተሰቡን ሰላም ማስጠበቅ አስፈላጊ እንደሆነም ይጠቁማል፡፡ረቂቅ አዋጁ 6 ክፍሎችና 30 አንቀፆችን የያዘ ሲሆን የጦር መሳሪያ ፈቃድ ስለሚሰጥባቸው መስፈርቶች፣ በልማት ለታጠቁ ለህብተሰብ ክፍሎች ፈቃድ የሚሰጥበትን ሥርዓት እንዲሁም ለውጪ አገር ዜጎች ፈቃድ የሚሰጥበትን ሁኔታ የሚደነግጉ አንቀፆች ተካተውበታል፡፡

የረቂቅ አዋጁ አንቀጽ 9 እንደሚለው በተለምዶ የጦር መሳሪያ በሚያዝባቸው አካባቢዎች ነዋሪ የሆኑት የጦር መሳሪያ ያላቸው ሰዎች መሳሪያው በአዋጁ የተከለከለ ዓይነት እስካልሆነ ድረስ ፈቃድ ማግኘት ይችላሉ፡፡ጉዳዩ የሚመለከተው ተቆጣጣሪ ተቋም በአንድ አመት ጊዜ ውስጥ በመኖሪያ አካባቢያቸው በመገኘት የጊዜ ሰሌዳ አውጥቶ የጦር መሳሪያ ፈቃድ የሚሰጣቸው ይሆናል፡፡ለአንድ ግለሰብ ፈቃድ የሚሰጠው ለአንድ የጦር መሳሪያ ብቻ ነው፡፡በጊዜ ገደቡ ፈቃድ ያልወጣለት የጦር መሳሪያ በቁጥጥር የተገኘ ጊዜ እንደሚወረስ ተደንግጓል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers