• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሚያዝያ 10፣2011/ አቶ ሽመልስ አብዲሣ የኦሮሚያ ብሄራዊ ክልላዊ መንግስት ምክትል ርዕሰ መስተዳድር ሆነው ተሾሙ

አቶ ሽመልስ አብዲሣ የኦሮሚያ ብሄራዊ ክልላዊ መንግስት ምክትል ርዕሰ መስተዳድር ሆነው የተሾሙት ጨፌ ኦሮሚያ ዛሬ ባካሄደው አስቸኳይ ስብሰባ ነው፡፡አቶ ሽመልስ የጨፌው አባል ባለመሆናቸው በምክትል ርዕሰ መስተዳድርነት መሾማቸው ተነግሯል፡፡የርዕሰ መስተዳድሩን ስራ ግን ደርብው ይሰራሉ ነው የተባለው፡፡

የኦሮሚያ ብሄራዊ ክልላዊ መንግስት ርዕሰ መስተዳድር ሆነው ሲሰሩ የቆዩት አቶ ለማ መገርሣ ከሰዓት በፊት የሀገር መከላከያ ሚኒስትር በመሆን በህዝብ እንደራሴዎች ምክር ቤት መሾማቸው ይታወሳል፡፡አቶ ሽመልስ አብዲሣ የክልሉ ምክትል ርዕሰ መስተዳድር ሆነው እንዲሰሩ ጨፌው ድምጽ የሰጠውም ከዚሁ የአቶ ለማ ሹመት በኋላ ነው፡፡አቶ ሽመልስ ከሹመቱ በኋላ በጨፌው ፊት ቃለ መሃላ ፈፅመዋል፡፡የቀድሞው ርዕሰ መስተዳድር አቶ ለማ መገርሣ ባስተላለፉት መልዕክት የህዝባችን ትግል እውን እስኪሆን ድረስ በጋራ እንስራ ሲሉ ጥሪ አቅርበዋል፡፡እሳቸውም የሚጠበቅባቸውን እንደሚወጡ ቃል ገብተዋል፡፡ምክትል ርዕሰ መስተዳድር ሆነው በጨፌው የተሾሙት አቶ ሽመልስ አብዲሣ በምዕራብ ሸዋ ዞን፤ ደንዲ ወረዳ ጊንጪ ከተማ ነው የተወለዱት፡፡የመጀመሪያ ዲግሪያቸውን ከአዲስ አበባ ዩኒቨርሲቲ በፍልስፍና፤ ሁለተኛ ዲግሪያቸውን ደግሞ በሠብአዊ መብት ከዚሁ ዩኒቨርሲቲ አግኝተዋል፡፡ከደቡብ አፍሪካ ዩኒቨርሲቲም በፍልስፍና ሌላ ሁለተኛ ዲግሪ ይዘዋል፡፡

በአዲስ አበባ ዩኒቨርሲቲ በመምህርነት እንዲሁም በኦሮሚያ ክልላዊ መንግስት ርዕሰ መስተዳድር ፅህፈት ቤት የኮሙኒኬሽን ጉዳዮች ዳይሬክተር ሆነው ያገለገሉባቸው ጊዜያት ደግሞ ከስራ ልምዳቸው መካከል የሚጠቀሱ ናቸው፡፡በኦሮሚያ የመንግስት የልማት ድርጅቶች የኮሙኒኬሽን ጉዳዮች ሃላፊ፤ በኦዴፓ ማዕከላዊ ኮሚቴ ፅህፈት ቤት የትምህርት ጉዳዮች መምሪያ ሃላፊ እንዲሁም የኦሮሚያ ከተማ ልማትና ቤቶች ቢሮ ምክትል ሃላፊ እና የኦሮሚያ ኮንስትራክሽን ቢሮ ሃላፊም ሆነው ሠርተዋል፡፡እስከ ተሾሙበት ጊዜ ድረስ ደግሞ በሚኒስትር ማዕረግ የጠቅላይ ሚኒስትሩ ፅህፈት ቤት ሃላፊ ሆነው ሲሰሩ ነበር፡ጨፌ ኦሮሚያ የአቶ ሽመልስ አብዲሣን ሹመት ያፀደቀው በሙሉ ድምጽ ነው፡፡

ንጋቱ ረጋሳ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers