• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሚያዝያ 14፣2011/ ወጣቶች ባህላዊ እሴቶችን በማወቅና በመጠበቅ ለአገራዊ ሰላም መጠበቅ እንዲሁም ለአንድነት ግንባታ ሊጠቀሙባቸው እንደሚገባ ተነገረ

ከቅርብ ጊዜ ወዲህ በተለያዩ አካባቢዎች እየተፈጠሩ ላሉ ግጭቶችና አለመረጋጋቶች ባህላዊ ዕሴቶቹ ሁነኛ መፍትሄ ሊሆኑ እንደሚችሉም ሲነገር ሰምተናል።የባህልና ቱሪዝም ሚኒስቴር ከ8 ክልሎችና 2 ከተማ መስተዳድሮች የተውጣጡ ናቸው ካላቸው ወጣቶች ጋር "የስብዕና ልማት ለመልካምነት" በሚል በድሬዳዋ ከተማ ውይይት አድርጓል። በውይይቱ የትግራይ ክልል ተሳታፊዎች አልተገኙም ተብሏል። ለሁለት ቀናት በቆየው ውይይት ለወጣቶቹ ስለ ኢትዮዽያ የባህልና ፊልም ፖሊሲዎች ገለፃ ተደርጎላቸዋል።

እውቀትና ክህሎታቸውን በመጠቀም ፖሊሲዎችንም በማወቅ ጭምር የኢትዮዽያ ባህሎችና እሴቶች ተጠብቀው እንዲቆዩ የማድረግ ኃላፊነት አለባቸው ተብሏል።በሀገር ውስጥ የሚሰሩ ፊልሞችም ባህልና እሴቶችን ጠብቀው ኢትዮዽያዊነትን ማስተዋወቅ እንደሚጠበቅባቸው ተነስቷል።

ከዚህ በተጨማሪ “ወጣቶችና ስፖርታዊ ጨዋነት” በሚል ርዕስም የግንዛቤ ማስጨበጫ ፅሁፍ ቀርቧል። ማናቸውም ስፖርታዊ ውድድሮች ከብጥብጥ ነፃ ሆነው እንዲካሄዱ ወጣቶች ከፍተኛ ሃላፊነት ያለባቸው መሆናቸውን ነው የተነገረው። ወጣቶች ወደፊት ኢትዮጵያን የሚረከቡ መሆናቸውን አውቀው ለአገራቸው ዙርያ ገባ እድገት በመስራት የዜግነት ግዴታቸውን መወጣት ይኖርባቸዋል ተብሏል።

በየነ ወልዴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers