• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 7፣2011/ የኢትዮጵያ ብሔራዊ ምርጫ ቦርድ የቦርድ አባላቱ በፓርላማው እንደተሰየሙለት የአዲስ አበባና የድሬዳዋ ምርጫ መቼ መከናወን እንዳለበት ውሳኔውን በፍጥነት አሳውቃለሁ አለ

በ2010 ዓ/ም መካሄድ የነበረበት የአካባቢ ምክር ቤቶች፣ የከተማ አስተዳደሮችና የማሟያ ምርጫ በነበረው አለመረጋጋት ምክንያት ቦርዱ ዝግጅት አላደረገም በሚል በዚህ አመት እንዲካሄድ ውሳኔ ማሳለፉ ይታወሳል፡፡ይሁንና እስካሁን ምርጫው በየትኛው ወርና ቀን እንደሚካሄድ ሳይወሰን በእንጥልጥል የቆየው ቦርዱ በአዲሱ የማቋቋሚያ አዋጅ መሰረት አባላቱ ስላልተሰየሙለት መሆኑን ሰብሳቢዋ ወ/ሪት ብርቱኳን ሚደቅሳ ተናግረዋል፡፡ወሬውን የሰማነው በሕዝብ እንደራሴዎች ምክር ቤት የህግ፣ ፍትህትና ዴሞክራሲ ጉዳዮች ቋሚ ኮሚቴ ቦርዱ ባለፉት 9 ወራት ስለከወናቸው ስራዎች ከቦርዱ የስራ ሀላፊዎች ጋር ሲነጋገር ተገኝተን ነው፡፡

በአሁኑ ወቅት ቦርዱ መፈፀም ያለበት አንገብጋቢና አስቸኳይ ስራዎች መደራረባቸውን የጠቀሱት ወ/ሪት ብርቱኳን ከመካከላቸው በመጪው አመት የሚካሄደው ጠቅላላ ምርጫ፣ የፓርቲዎች ምዝገባ፣ የቦርዱ የራሱ የማሻሻያ ስራዎችና የሲዳማ ውሳኔ ሕዝብ ጥያቄ ጉዳይ ጥቂቶቹ ናቸው ብለዋል፡፡በዛ ላይ በዚህ አመት መካሄድ ያለበት የአዲስ አበባና የድሬዳዋ ከተሞች ምርጫ ስላለ ለስራዎቹ ቅደም ተከተል አውጥቶ ውሳኔ በማሳለፍ ተግባራዊ ስራን ለመከወን የቦርዱ አባላት አለመሰየም ትልቅ እንቅፋት እንደፈጠረ ለቋሚ ኮሚቴው አስረድቷል፡፡በአዲሱ የቦርዱ ማቋቋሚያ አዋጅ መሰረት 5 የቦርድ አባላት በሕዝብ እንደራሴዎች ምክር ቤት መሰየም ይጠበቅባቸዋል፡፡

አሳታፊ በሆነ መልኩ አባላቱን ለመመልመል በጠቅላይ ሚኒስትር ጽ/ቤት ኮሚቴ ቢቋቋምም ምልመላው ገና እንደሆነ የምርጫ ቦርድ ሰብሳቢዋ ተናግረዋል፡፡በመሆኑም አባላቱም ተመልምለው በምክር ቤቱ ሹመታቸው እንደፀደቀ የአካባቢያዊ ምክር ቤቶችና የከተማ አስተዳደሮች ምርጫን በተመለከተ በፍጥነት ውሳኔ አሳልፈን ለምክር ቤቱ እናሳውቃለን ብለዋል ወ/ሪት ብርቱኳን፡፡ቋሚ ኮሚቴው በበኩሉ አዲሶቹ የቦርድ አባላት እስኪሰየሙ ከዚህ ቀደም የነበሩት ዘጠኝ የቦርድ አባላት ስራቸውን መቀጠልና ውሳኔ ማሳለፍ አለባቸው የሚል አቋም እንዳለው ተናግረዋል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers