• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 8፣2011/ ከጊዜ በኋላ ለሚከሰት የልብና የኩላሊት ህመም እንዲሁም የደም ዝውውር መታወክ ወይም ስትሮክ የሚያጋልጠው የደም ግፊት በሽታ በቀላሉ በሚደረግ ቅድመ ምርመራ ማወቅና ህክምና ማግኘት ቢችልም ጥንቃቄ ባለማድረግ በህመሙ የሚጠቁና ጉዳት የሚደርስባቸው ሰዎች ቁጥር ጨምሯል ተባለ

በተለይ በዚህ ዘመን በከፍተኛ ሁኔታ ከተሰራጩና ተላላፊ ካልሆኑ ህመሞች ውስጥ አንዱ የሆነው የደም ግፊት መጠን መጨመር እሱን ተከትሎ ለሚመጡ ሌሎች ህመሞች በመዳረግ በርካቶችን ለሞት እያበቃ መሆኑን የጤና ሚኒስቴር ተናግሯል፡፡የአለም ከፍተኛ ደም ግፊት ቀንን አስመልክቶ ሚኒስቴር መስሪያ ቤቱ እንደተናገረው በኢትዮጵያ እድሜአቸው ከ15 እስከ 69 አመት ባሉ ሰዎች ላይ በተሰራ ጥናት በከተማው ከሚኖሩ ሰዎች 22 በመቶ እንዲሁም በገጠር ካሉ ደግሞ 13 በመቶ ለከፍተኛ የደም ግፊት መጠን የተዳረጉ ናቸው ተብሏል፡፡ በተለይ በከተማ አካባቢ ያለው የአኗኗር ሥርዓት መቀየር እና ጤናማ የሚመስሉ ነገር ግን ያልሆኑ የአመጋገብ ሥርዓቶችን ማዝወተር በከተሞች ላይ የበሽታው ተጠቂዎች ቁጥር እንዲጨምር አድርጎታል ተብሏል፡፡

ከፍተኛ የደም ግፊት ህመም በምርመራ ካልታወቀ በስተቀር ምንም ዓይነት የህመም ምልክት ሳያሳይ ረጅም ጊዜ በመቆየት ከፍተኛ ደረጃ ላይ ከደረሰ በኋላ በቻ የሚታወቅ በመሆኑ ቅደመ መከላከል ላይ መስራት አማራጭ የሌለው መፍትሄ ነው ተብሏል፡፡የጤና ሚኒስቴር የህመሙን ስርጭት ለመቀነስና ለመከላከል በሆስፒታሎችና ጤና ጣቢያዎች የደም ግፊት መጠን መለካትና ህክምና እንዲያገኙ እያደረግኩ ነው ማለቱ ሰምተናል፡፡ቀኑን አስመልክቶ ከነ ጀምሮ በሁሉም የጤና ጣቢያዎና በተመረጡ የከተማዋ አካባቢዎች ነፃ የደም ግፊት መለካት አገልግሎት በመዘጋጀቱ ማንኛውም ሰው ተመርምሮ የደም ግፊት መጠኑን በማወቅ በሽታውን ቀድሞ እንዲከላከል ሚኒስቴር መስሪያ ቤቱ መክሯል፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers