• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 8፣2011/ ለፓርቲዎች የእለት ተእለት ስራ ማገዣ በሚል መንግስት የመደበውን 10 ሚሊየን ብር ስራ ላይ እንዳላዋለው የኢትዮጵያ ብሔራዊ ምርጫ ቦርድ ተናገረ

ገንዘቡ ስራ ላይ ቢውል ኖሮ ገዢው ፓርቲ ኢህአዴግ ብቻ የሚጠቀምበት ይሆን ነበር፡፡ፍትሃዊ ባልሆነ ምርጫ የምክር ቤቶችን ወንበር ሙሉ በሙሉ ለተቆጣጠረው ገዢው ፓርቲ ብቻ ገንዘቡን መስጠቱ አስፈላጊ ሆኖ አላገኘሁትም ብሏል ምርጫ ቦርድ፡፡የቦርዱ ሰብሳቢ ወ/ሪት ብርቱኳን ሚዴቅሳ እንዳሉት ከዚህ ቀደም በነበረው አሰራር መንግስት ፓርቲዎችን ለማገዝ በሚል የሚመድበውን 10 ሚሊዮን ብር ፓርቲዎች በምክር ቤቶች ውስጥ ባላቸው መቀመጫ ልክ ገንዘቡ ይከፋፈላል የሚል አሰራር ነበር፡፡

የምክር ቤቶቹ ወንበር በገዢው ፓርቲ ብቻ እንደተያዘ እየታወቀም ገንዘቡን አውጥቶ ለዛ ፓርቲ ብቻ መስጠቱ ትርጉም ያለው ለውጥ ስለማያመጣ ለገንዘብ ሚኒስቴር ይመለሳል ብለዋል ሰብሳቢዋ ወ/ሪት ብርቱኳን፡፡ለፖለቲካ ፓርቲዎች የእለት ተእለት ስራ ማገዣ በሚል በመንግስት የተመደበው 10 ሚሊየን ብር ለገንዘብ ሚኒስቴር ከተመለሰ በኋላም ምርጫ ቦርድ በሚቀጥለው በጀት አመት ላለበት ሌላ ችግር ስራ ላይ እንዲያውለው እንዲፈቀድለት ከሚኒስቴር መስሪያ ቤቱ ጋር ንግግር እያደረገ መሆኑንም ወ/ሪት ብርቱኳን ተናግረዋል፡፡በሌላ በኩል ከዚህ ቀደም በምርጫ ቦርድ ይሰጥ የነበረውን የሥነ ዜጋ ትምህርት ሥርዓተ ትምህርቱ የፖለቲካ ፓርቲ ፕሮግራምን ያካተተ ስለነበር ተቀይሮ እንደ አዲስ እየተዘጋጀ መሆኑን ከሰብሳቢዋ ሰምተናል፡፡

አለም አቀፍ ደረጃውን በጠበቀ መንገድ እንደ አዲስ ሥርዓተ ትምህርቱ እየተቀረፀ ነው ያሉት ወ/ሪት ብርቱኳን ትምህርቱ ማህበረሰቡ ከኖረበት ባህልና ከሚናገረው ቋንቋ ጋር በተስማማ መልኩ ተዘጋጅቶ በአገር አቀፍ ደረጃ ስራ ላይ ይውላል ብለዋል፡፡
የምርጫ ቦርድ ገለልተኛነትን ለማረጋገጥ እና ህብረተሰቡ ለቦርዱ ያለውን አመኔታ ለመመለስ ቦርዱ እንደ አዲስ እየተደራጀና ቦርዱን የተመለከቱ የተለያዩ ሕጎችም እየተሻሻሉ መሆናቸው ይታወቃል፡፡

ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers