• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 15፣2011/ በአዲስ አበባ ከተማ ላይ የሚታዩ አስተዳደራዊ ችግሮች ላይ ስራዎች ቢሰሩም አሁንም በተለያዩ አገልግሎት መስጫ ዘርፎች ላይ ነዋሪዎች የሚያማርሩባቸው አሉ ተባለ

የአዲስ አበባ ከተማ አስተዳደር ምክር ቤት 6ኛ አመት 2ኛ መደበኛ ጉባኤውን ከዛሬ ጀምሮ እያካሄደ ሲሆን፤ በጉባኤው የከተማ አስተዳደሩ በነዋሪዎች የሚነሱ ችግሮችና ቅሬታዎችን ለመፍታት ቢሰራም አሁንም ችግሮች መኖራቸው ተነግሯል፡፡የኑሮ ውድነትን ይቀርፋሉ፣ ነዋሪውንም ያግዛሉ ተብለው የተቋቋሙት የሸማች ህብረት ስራ ማህበራት በሚፈለገው ደረጃ አገልግሎት እየሰጡ አይደለም ተብሏል፡፡

የምግብና መጠጥ አገልግሎት ሰጪ ተቋማት ላይ የሚታይ ከፍተኛ የሆነ የጥራት ችግር መኖር፣ የትራንስፖርት እጥረት፣ የወንጀል ድርጊቶች መበራከት፣ የከተማው ነዋሪ የሚያነሳቸው የመልካም አስተዳደር ጥያቄዎች ናቸው ሲሉ የምክር ቤቱ አፈ ጉባኤ ወ/ሮ አበበች ነጋሽ ተናግረዋል፡፡በምክር ቤቱ ተገኝተው የመስሪያ ቤታቸውን የ9ኛ ወራት የስራ አፈፃፀም ሪፖርት ያቀረቡት የአዲስ አበባ ንግድና ኢንዱስትሪ ቢሮ ሀላፊው አቶ ወንድአወቅ ሀብቴ፣ ምርቶችን ያለአግባብ በማከማቸት የገበያ እጥረት ለመፍጠር በሞከሩ የንግድ ተቋማት ላይ እርምጃ መወሰዱን ተናግረዋል፡፡

በተለይ በህገ-ወጥ መንገድ ወይም ጥቁር ገበያ የውጪ አገራት ገንዘቦችን ሲመነዝሩ የነበሩ 74 የንግድ ሱቆች ቁጥጥር ተደርጎባቸው ታሽገዋል ብለዋል፡፡በተደረገው የቁጥጥር ስራም 80 ሺ የአሜሪካ ዶላር፣ ዩሮና ፓወንድ እንዲሁም በሚሊየን የሚቆጠር የኢትዮጵያ ብር መያዙን ተናግረዋል፡፡በአዲስ አበባ ምክር ቤት በቀረበው የንግድ እና ኢንዱስትሪ ቢሮ የ9 ወራት የስራ አፈፃፀም ሪፖርት ላይ የምክር ቤቱ አባላት ጥያቄና አስተያየት እየሰጡ ነው፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers