• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 16፣2011/ የሰሜን ተራሮች ብሔራዊ ፓርክ ከደረሰበት አደጋ ለማገገምና ወደ ቀድሞው ለመመለስ ከአስር አመት በላይ ሊወስድ ይችላል ተባለ

በኢትዮጵያ የዱር እንስሳት ልማትና ጥበቃ ባለስልጣን መስሪያ ቤት በተመራ የጥናት ቡድን በተደረገ ጥናት የሰሜን ተራሮች ብሔራዊ ፓርክ ከደረሰበት አደጋ ሙሉ ለሙሉ ለማገገም ከአስርት አመታት በላይ ሊፈጅ እንደሚችል በጥናቱ ተረጋግጧል፡፡በፓርኩ በተከሰተው የእሳት አደጋ ግን እንደ መለያ የሚቆጠሩት ዋልያ፣ ቀይ ቀበሮ እና ጭላዳ ዝንጀሮዎች ላይ የሞት አደጋ አልተከሰተም ሲል የጥናት ቡድኑ በቅኝት ማረጋገጡን ተናግሯል፡፡የቀይ ቀበሮ ምግብ የሆነው ትልቁ ፍልፈል እና የዱር አይጦች ግን ተቃጥለው እንደተገኙና ነገር ግን አሁንም ዝርያቸው በበቂ መጠን አለ ተብሏል፡፡

በፓርኩ ላይ በደረሰው አደጋ ምክንያት በስነ ምህዳሩና በሀገር ገፅታ ላይ ተፅእኖ ፈጥሯል ተብሏል፡፡የዳሰሳ ጥናቱ ፓርኩ እንዲያገግም በተለያዩ አካላት መሰራት ያለባቸውን ስራዎችንም አመላክቷል፡፡በሰሜን ተራሮች ብሔራዊ ፓርክ ላይ ተከስቶ ለሳምንታት በዘለቀው የእሳት አደጋ 1 ሺ 40 ሄክታር ዋና ቀጠና ወይም 2 ነጥብ 5 በመቶ የፓርኩ ይዞታ መውደሙን ከኢትዮጵያ የዱር እንስሳት ልማትና ጥበቃ ባለስልጣን መስሪያ ቤት ሰምተናል፡፡የሰሜን ተራሮች ብሔራዊ ፓርክ በኢትዮጵያ ብቸኛው በአለም ቅርስነት የተመዘገበ ብሔራዊ ፓርክ ሲሆን 412 ኪሎ ሜትር ስኩዌር ስፋት አለው፡፡

ምህረት ሥዩም

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers