• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ግንቦት 30፣2011/ ህብረተሰቡ ለብሔራዊና ክልላዊ ፈተናዎች ወሳጅ ተማሪዎች ድጋፉን እንዲያደርግ ጥሪ ቀረበ

ተማሪዎቹ ያለ ምንም መረበሽ ፈተናቸውን እንዲሰሩም በአገልግሎት መስጫዎች ሳይቀር ቅድሚያ ሊሰጣቸው እንደሚገባ ትምህርት ሚኒስቴር ተናግሯል፡፡የፈተና ዝግጅት እና አሰጣጥን በተመለከተ የአገር አቀፍ የትምህርት ምዘናና ፈተናዎች ኤጀንሲ ዳይሬክተር አቶ አርአያ ገ/እግዚአብሔርና የትምህርት ሚኒስትር ድኤታ ወ/ሮ ፂዮን ተክሉ በጋራ መግለጫ ሰጥተዋል፡፡ለ10ኛ እና 12ኛ ክፍል የብሔራዊ ፈተናዎች የተዘጋጁ የፈተና ወረቀቶች ወደ ፈተና መስጫ ጣቢያዎች መሰራጨታቸውን ከሀላፊዎቹ መግለጫ ሰምተናል፡፡ፈተናው ተዘጋጅቶ ወደየፈተና መስጫዎቹ በሚሰራጭበት ወቅት ከፍተኛ ጥበቃ ሲደረግ እንደነበርም ተነግሯል፡፡

የፈተናው መጠናቀቂያ ድረስ ይኸው ጥበቃ ተጠናክሮ ይቀጥላል ተብሏል፡፡ አቶ አርአያ እንደተናገሩት ከሆነ የፈተና ህትመቱ ሂደት በደህንነት ካሜራዎች ቁጥጥር ሲደረግበት ነበር፡፡የተዘጋጀውም ፈተና ሥርዓተ ትምህርቱ ላይ መሰረት ያደረገና ከፍተኛ ጥንቃቄ የተደረገበት ነውም ብለዋል፡፡ዘንድሮ ከ1 ነጥብ 2 ሚሊዮን በላይ የ10ኛ እና ከ322 ሺ በላይ የ12ኛ ክፍል ተማሪዎች ለፈተና ይቀመጣሉ ተብሎ ይጠበቃል፡፡በመሆኑም ሁሉም ህብረተሰብ ፈተናው በሰላም ተጀምሮ እንዲጠናቀቅ የመተባበር ሀላፊነት አለበት ነው የተባለው፡፡

ስለ ፈተናው አሰጣጡ ሰላማዊነት ለማረጋገጥም የትምህርት ሚኒስቴርና የአገር አቀፍ ትምህርት ምዝናና ፈተናዎች ኤጀንሲ ሰራተኞች ከየፈተና ጣቢያዎቹ ጋር የ24 ሰዓት የስልክ ልውውጥ ይኖራቸዋል ተብሏል፡፡ከ28 ሺ በላይ መምህራንና የትምህርት ባለሞያዎች በፈታኝነትና በተቆጣጣሪነት የሚሳተፉበት የብሔራዊ ፈተና የፊታችን ሰኞ ይጀምራል፡፡የ10 እኛ የ12ኛ ክፍል ብሔራዊ ፈተናዎችን ተከትሎ የሚሰጠው የ8ኛ ክፍል ክልላዊ ፈተናም ተመሳሳይነት ያላቸውን ጥያቄዎች እንዲዘጋጁ መደረጉን ሰምተናል፡፡

በየነ ወልዴ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers