• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ነሐሴ 7፣ 2011/ በዚህ አመት ጠበቅ ባለው የኮንትሮባንድ ቁጥጥር 35.9 ኪሎ ግራም ወርቅ በህገወጥ መንገድ ከአገር ሊወጣ ሲል ተያዘ

ኢትዮጵያ ከወርቅ ማግኘት ያለባትን የውጭ ምንዛሬ እንዳታገኝ ፈተና ሆኗል የተባለውን የወርቅ የኮንትሮባንድ ንግድ ለመቆጣጠርም አዳዲስ መላ ማበጀቱን የማዕድንና ነዳጅ ሚኒስቴር ተናግሯል፡፡ባለፉት 6 አመታት በየአመቱ በመቶ ሚሊየን የሚቆጠር ገንዘብ እየታጣበት ያለው ወርቅ በብዛት በህገ-ወጥ መንገድ ከሀገር እንደሚወጣ ይነገራል፡፡ለዚህ መላ ይሆናል ተብሎ የተጀመረው አንዱ ዘዴ በባህላዊ መንገድ ወርቅ ለሚያመርቱ ዜጎች ወርቁን የሚያጣራላቸው ተቋምና የሚገዛቸው ባንክ በየአካባያቸው ማቋቋም ነው ተብሏል፡፡በሚኒስቴር መስሪያ ቤቱ የባህላዊ ማዕድናት ማስተባበሪያ ዳይሬክተር የሆኑት አቶ ጂክሳ ኪዳኔ እንዳሉት ወርቅ የያዘን አፈር የሚያጣራ ፋብሪካ በቤንሻንጉል ግንባታው ተጀምሯል፡፡

ከመጪው አመት ጀምሮም የወርቅ ምርት ባላቸው 5 ክልሎች ወርቅ አዘል አፈርን የሚያጣራ ፋብሪካ በማቋቋም በባህላዊ መንገድ የሚመረተው ወደ ህገ ወጥ ንግድ እንዳይገባ ለመቆጣጠር ይሰራል ብለዋል አቶ ጅክሳ፡፡ወርቅን ጨምሮ የተለያዩ ማዕድናትን በህገወጥ መንገድ የሚያስወጡትን ለሚጠቁሙም ነፃ የስልክ መስመር ይዘጋጃል ብለዋል፡፡ ለጠቋሚዎችም ማበረታቻ ለመስጠት የሚያስችል መመሪያ መዘጋጀቱን ሰምተናል፡፡ 
ትዕግስት ዘሪሁን

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers