• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕዳር 8፣ 2012/ ለሲዳማ የክልልነት ጥያቄ ሕዝበ ውሳኔ ከ2.3 ሚሊዮን በላይ መራጮች ተመዝግበዋል ተባለ

የኢትዮጵያ ምርጫ ቦርድ፣ የሕዝበ ውሳኔ የመራጮች ምዝገባ መጠናቀቁን አስመልክቶ መግለጫ አውጥቷል፡፡ በመራጮች የምዝገባ ሒደት ከ6000 በላይ የምርጫ አስፈፃሚዎች በ1692 የምርጫ ጣቢያዎች ተሰማርተው ምዝገባውን ማካሄዳቸው በምርጫ ቦርድ ሪፖርት ተካትቷል፡፡ የምዝገባ ሒደቱ ሙሉ በሙሉ ሰላማዊ እንዲሆን የዞኑና የክልሉ የፀጥታ ከአካላትን ጨምሮ ፌዴራል ፖሊስና የመከላከያ ሰራዊት ከፍተኛ ትብብር ማድረጋቸውም ተጠቅሷል፡፡ ምርጫ ቦርድም የምዝገባ ሂደቱ ሰላማዊ እንዲሆን ከህብረተሰቡ የሚደርሰውን ጥቆማ በመቀበል በታዩ ችግሮች ላይ የእርምት እርምጃ ውስዷል ተብሏል፡፡

ቦርዱ ተመልክቶ እርምት ካደረገባቸው ጉዳዮች መካከልም ከምርጫ ጣቢያዎች በ200 ሜትር ርቀት ውስጥ መገኘት የማይገባቸው ሰዎችና የተከለከሉ ምልክቶች መታየታቸው ይገኙበታል፡፡ በምርጫ አስፈፃሚዎች በኩል የታዩ ክፍተቶችን በተመለከተ የመራጮችን ካርድ ወደ ቤት በመውሰድ ከፍተኛ ጥፋት የተገኘባቸው አንድ አስፈፃሚ ከስራ ሲሰናበቱ የመራጮችን መዝገብ ይዘው ለመሰወር የሞክሩ ሌላ አስፈፃሚ ተይዘው ምርምራ እየተደረገባቸው ነው ተብሏል፡፡

ለምርጫ ምዝገባ የሚያስፈልጉ መስፈርቶችን በተመለከተ በተለይም በመታወቂያ ጉዳይ ላይ የተነሱ የህብረተሰቡ ጥያቄዎችን መሰረት በማድረግ መስፈርቶቹን በተደጋጋሚ የማስተዋወቅ ስራ ሰርቼያለሁ ብሏል ምርጫ ቦርድ፡፡ ከአስተዳደር ወሰን ጋር በተያያዘ ከዚህ ቀደም ግጭት በነበረባቸው ቀበሌዎች ከነዋሪዎች የቀረቡ አቤቱታዎችን በመቀበል ከህብረተሰቡና ከቀበሌ አስተዳደሮች ጋር ውይይት መደረጉንም የኢትዮጵያ ብሔራዊ ምርጫ ቦርድ ተናግሯል፡፡ የሲዳማ ሕዝበ ውሳኔ የድምፅ መስጫ ቀንም ሰላማዊና የተቀላጠፈ እንዲሆን በትኩረት እስራለሁ ብሏል፡፡

ማህሌት ታደለ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers