• United Bank S.C.

    ሕብረት ባንክ አ.ማ.

  • Slider Two

    የምስል ተጓዳኝ መልዕክት

  • Sldier Three

    የምስል ተጓዳኝ መልዕክት

ሸገር ወሬዎች እና ልዩ ወሬዎች

ሕዳር 22፣ 2012/ ስምንተኛው የአፍሪካ ስፔስ ሊደርሺፕ ጉባኤ በአፍሪካ ኢኮኖሚክ ኮሚሽን (ኢሲኤ) አዳራሽ እየተካሄደ ይገኛል

የኢኖቬሽንና ቴክኖሎጂ ሚኒስትሩ ዶ/ር ኢ/ር ጌታሁን መኩሪያ እና ሌሎች የመንግስት ሹማምንት ተገኝተዋል፡፡የተለያዩ የአፍሪካ አገራት የህዋ ሳይንስ ተቋማት፣ ባለሞያዎችና መሪዎች ተሳትፈዋል፡፡ጉባኤው በዘላቂ የህዋ ሳይንስ እድገትና የአፍሪካ አገራት ልማት ላይ አተኩሮ እየተካሄደ ይገኛል፡፡

በዚሁ ጉባኤ አፍሪካ ለሳይንስ እና ቴክኖሎጂው ዘርፍ ተከታታይ ድጋፍ ካላደረገች በተለይ በህዋው ዘርፍ እድገት ማምጣት አትችልም ተብሏል፡፡የልማት እድገቷም ጋሬጣ የበዛበት ሊሆን ስለሚችል ከወዲሁ ብታስብበት እንደሚሻል ተነግሯል፡፡ በዘርፉ ብዙ ኢንጅነሮችን ማፍራት ካስፈለገም የሰው ሀይል ልማት ላይ ጠንካራ ስራዎችን መከወን ይጠይቃል ተብሏል፡፡

ዘርፉ በብዙ የአፍሪካ አገራት በፖሊሲ የታገዘ አለመሆኑም ለእስካሁኑ ጉዞ እንቅፋት ሆኖ ቆይቷል የተባለ ሲሆን የአፍሪካ አገራት የሚሰጠውን የጋራ ጥቅም በማሰብ በፖሊሲና ስትራቴጂዎች ዙሪያ በጋራ ለመስራት ቢችሉ ችግሩን ማስቀረት ይቻላል ተብሏል፡፡ እንዲህ ያለው ጉባኤ በዓለም አቀፍ ደረጃ የአፍሪካን ተሰሚነት እንደሚጨምር ተነግሯል፡፡ኢትዮጵያ በሁሉም ረገድ አብራ ለመስራት ዝግጁ መሆኗንም አረጋግጣለች፡፡የአፍሪካ ስፔስ ሊደርሺፕ ጉባኤ በየዓመቱ የሚዘጋጅ፣ በአፍሪካ እና በዓለም አቀፍ ደረጃ ያሉ የስፔስ ተቋማትና መሪዎቻቸው የሚሳተፉበት አፍሪካ በስፔስ ሳይንስ ዘርፍ ምን ማድረግ እንዳለባት የሚመክርና ምክረ ሀሳቦችን የሚያቀርብ ጉባኤ ነው፡፡

ቴዎድሮስ ብርሃኑ

በማኅበረ ሰብ ገጾች ያጋሩ

Submit to FacebookSubmit to Google PlusSubmit to TwitterSubmit to LinkedIn
Sheger 102.1 AudioNow Numbers